Jelemiya 20:10 - Baibo Busansulushi Bwa Libuku Ili

¹⁰ Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 20:10 Marejeleo ya Msalaba

1 Baami 19:2

Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 22:27

Muye mukabalwiite bamubike muntolongo akunoomupa shinkwa amaanshi kushikila ndaakuboola kaancili muumi.”

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

Jobo 19:19

Boonse beensuma beene beene balanaama. Ncakwiila abo boonse mboonsunishi bangalookila.

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Kulumbaisha 31:14

Nebo ndicinkite manungo muli ndimwe noBaami baLesa. Ncakwiila mwebo muli baLesa bangu.

Kulumbaisha 41:10

Sombi mwebo noBaami baLesa amunyumfwile nkumbu, amunjuumye nswe pabulo bwakuciswa kwaamba ayi nkabooshe cishole kubalwani bangu.

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Tushimpi 10:18

Muntu ushisa lupato lwakwe ngumubeshi. Uyo woonse ubekesha mubye ngumuluya.

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Jelemiya 1:19

Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Jelemiya 11:21

Lyalo Mwaami Lesa wakaamba ayi, “Basankwa bamwi ba kuAnatoti batooyandoola buumi bwako akunokwaamba ayi, ‘Utanoolalukila muliina lya Mwaami Lesa, sombibo na koosuni kufwita mumaanseesu.’ ”

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 20:3

Ono ndibwakaca Pasha ndyaakaŋangulula, ndakamwaambila ayi, “Teshi ndiwe Pasha, sombi ndiwe Mago Misabibu nkokwaamba ayi shiyoosha kumbasu shoonse.

Jelemiya 37:13

Sombi ndindakashika kumwinjililo wakwe Benjameni, munene wa beshikulindilila uyo wakalinga kwiitwa ayi Ilija mwanaakwe Shelemiya mwishikulu wakwe Ananiya wakancata akuŋambila ayi, “Webo wacicila kubene Babiloni kuya mukuba kulubasu lwabo!”

Jelemiya 6:25

Mutayi kumyuunda nabi kuya bweendeenda mumikwakwa ceebo balwani banu balicite mipeeni cakwaamba ayi koonse kutooloondesha.”

Esekelo 22:9

Muli ndiwe muli bantu babeca kwaamba ayi bulowa bwa babyaabo butilwe. Muli bantu balya milambu yakabengwa kushibumbwabumbwa. Bamwi balacita bufuule mukumana shiyanda mibili yabo.

Danyelo 6:4

Mpomunyaawo bacinenenene bamwi pantu pomwi abeendeleshi abo bakatalika kuyandoola mpweenga bapeta Danyelo mulandu munshila iyo njaakalinga kweendelesheshamo bwaami. Sombi bakaalilwa mukwiinga Danyelo wakalinga kushomeka alimwi taakwe kucitawo cilubite nabi cakutashomeka.

Luka 20:20

Aboobo bakalinga kulindila ciindi ceelete kucata Jesu. Bakapa maali bantu bamwi ayi babece kushomeka akubatuma mukusunka Jesu mumiipusho kwaamba ayi aabwe mumaansa a nkuta ya mweendeleshi wa kuLoma.

Milimo ya Batumwi 24:13

Inga tabacikoonshi nabi kutondesha ayi shoonse nshebatoombekesha nshalushinisho.

Milimo ya Batumwi 5:33

Boomboloshi ndibakanyumfwa makani aya, bakakalala abuumbi cakwaamba ayi bakalinga kusuni kucaya batumwi.

Milimo ya Batumwi 7:54

Ono beendeleshi ba nkuta ndibakanyumfwa maswi akaamba Sitifini, bakakalala abuumbi, kababimbabo.