Jelemiya 2:27 - Baibo Busansulushi Bwa Libuku Ili

²⁷ Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

Jelemiya 2:27 Marejeleo ya Msalaba

2 Makani 29:6

Bamashali besu bakulukulu tebakalinga kushomeka kuMwaami Lesa, Lesa wesu alimwi bakacita shitaluleme pameenso akwe. Bakamukaka akufutatila musena wa bulemu bwakwe.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Jelemiya 18:17

Ndaakubapalanganishisha kunembo lya balwani babo bweenka mbuli muuwo wakwicwe. Lyalo ndaakubafutatila ncakwiila teshi nkabacafweewo baakupolelwa mapensho.”

Jelemiya 2:24

Ee, ulibo anga nimbongolo yamulundu ishibite kwikala muluyanga. Anu ngani weenga waikasha na keeli paceembela? Shisankwa shiisuni tashipengiiwo akuyandoola mukwiinga ciindi ca ceembela nkwiicana njeyi.

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Jelemiya 32:33

Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.

Jelemiya 37:3

Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”

Jelemiya 42:2

Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Danyelo 9:7

“Mwebo noBaami baLesa muliluleme, sombi swebo tulaliletela musebaanyo, nkokwaamba ayi bene Juda, bene Jelusalemu alimwi abene Isilaeli boonse, bali pafwaafwi abali kulaale, ncakwiila kulilabo mucishi cili coonse motwakapalanganishilwa ceebo cakutashomeka kwesu kuli ndimwe.

Osiya 4:12

Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.