Jelemiya 2:26 - Baibo Busansulushi Bwa Libuku Ili

²⁶ Mwaami Lesa waamba ayi, “Bweenka mwiipi mbwaasebaanishikwa na wacatwa, mbweeke ubo amwebo nobene Isilaeli mbweshi mukasebaanishikwe. Nkokwaamba ayi mwebo nobeene, bamaami banu abacinenenene, bapailishi babo pantu pomwi abalaluki.

Jelemiya 2:26 Marejeleo ya Msalaba

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Isaya 1:29

Cilaakukulensha nsoni kwaamba ayi wakalinga kulambila shisamu alimwi aceebo cakusala myuunda yakulambililamo balesa bamwi.

Isaya 44:11

Muntu uyo abaabo bali mbuli nguwe balaakulenshekwa nsoni. Abo bacibwene shakupangapanga mbantubo bweenka mbuli bamwi boonse. Balaakulenshekwa boowa akukankamanishikwa kunene abuumbi.

Isaya 44:9

Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Jelemiya 2:36

Ino utoopampookilanshi bobulya munshila shako? Bene Ijipiti balaakukulensha nsoni bweenka bwakakucita bene Asilya.

Jelemiya 22:22

Bamatanjilili banu boonse balaakuululushikwa amuuwo. Abo mbomucafwanaabo munkondo balaakutolwa busha. Lyalo mulaakusebaana akulenshekwa nsoni ceebo ca bubi bwanu boonse mbomwakacita.

Jelemiya 32:32

ceebo ca shibiibi shoonse isho shakacita bene Juda abene Jelusalemu pantu pomwi abamaami babo alimwi abamatanjilili babo, bapailishi babo alimwi abalaluki.

Jelemiya 4:9

Mwaami Lesa waamba ayi, “Pabushiku ubo mwaami abacinenenene bakwe balaakutyongola. Bapailishi balaakuloonda abalaluki balaakukankamana.”

Jelemiya 48:27

Sa mwebo nobene Moabu teshi ndimwe mwakalinga kuseka bene Isilaeli? Sa bakacatwa pakati ka bapambi ico cimulengesha kunoopukumunabo mitwi mukubashibuluka kulilabo na mwaamba pali mbabo?

Esekelo 16:54

Webo ulaakulisenda akunyumfwa nsoni pasheesho shoonse nshewakacita, balo bamakwanu balaakusangalala pakubona ayi tabakwe kucita shibiibi sheelene anshewakacita.

Esekelo 22:26

Bapailishi balapwaya milawo yangu akutalemeka shintu shangu shisalalite. Tabacishi kupansaanya shintu shisalalite ashitasalalite pakulambila. Balo baleeisha ayi taapu bupusano pakati ka shintu shisalalite kweelana aMilawo ashitasalalite. Tabalami abushiku bomwi abomwi bwakookesha bwa Cibelu. Paceebo ceeco bene Isilaeli tabandemeki.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Bene Loma 6:21

Ino ono nimpindunshi njemwakacana mukucita shintu isho shitoomulensha nsoni bulya? Taakuuwo. Mukwiinga mamanino a shintu sha mushobo wooyo ndufu.