Jelemiya 2:20 - Baibo Busansulushi Bwa Libuku Ili

²⁰ Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Jelemiya 2:20 Marejeleo ya Msalaba

1 Baami 12:32

Jeloboamu alakwe wakabika bushiku bwalikumi ashosanwe mumweenshi wasanu ayotatwe ayi mbwakusekelela bweenka mbocakalinga kucitika muJuda. Wakalinga kubenga milambu mundabala ya Betelo kubacende baana ba golodi abo mbwaakabumba. KuBetelo wakabikaako bapailishi ayi basebensele kumisena yakulambililaako ya patulundu njaakayaka.

1 Baami 14:23

Bakayaka misena yakulambililaako ya patulundu, bakeemikaawo amabwe akuyakawo shikoshanyo shakwe Ashela lesa mwanakashi kwaamba ayi kabalambila patulundu amunshaashisamu shicite shimfule shibotu.

Kulumbaisha 107:14

Wakabakusha mumunshinshe ushiya mbi. Ee, wakasutoola ncetani shabo.

Kulumbaisha 2:3

Balaamba ayi, “Atulishipuleemo mubweendeleshi bwabo, alimwi akusowa nshimbi shakulela kwabo.”

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Kulonga 19:8

Mpomunyaawo bantu boonse bakakumbula pantu pomwi ayi, “Tulaakucita shoonse shaamba Mwaami Lesa.” Lyalo Mose wakaya walwiita Mwaami Lesa makani aya.

Kulonga 24:3

Lyalo Mose wakaya mukulwiita bantu boonse milawo amilasho yoonse ya Mwaami Lesa. Bantu boonse bakakumbula pantu pomwi ayi, “Tulaakucita shoonse shaamba Mwaami Lesa.”

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Isaya 1:21

Amubone bamundabala inene abo bakalinga kushomeka ono batalika bufuule bwakulambila balesa bamwi. Muciindi cimwi ndabala iyi yakalinga kuswitebo bantu bakalinga kucita shiluleme, ee, bantu batacite tumpenda. Ono mwacaalabo bacayi.

Isaya 10:27

Pabushiku ubo ndaakumwaangulula kuswa munkusu sha bene Asilya akutyoloola lijoko lya bweendeleshi bwabo lili pashifushi shanu.”

Isaya 14:25

Bene Asilya ndaakubanyonyoola mucishi cangu. Ndaakubalyatoola peculu lya tulundu twangu. Lijoko lya bweendeleshi bwa cishi ca Asilya ndaakulikushaawo pabantu bangu. Ndaakubatula mukuli uyo kuswa pashifushi shabo.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 17:2

Bana banu abalo balayeeyabo shipaililo shanu alimwi ashikoshanyo shakwe Ashela lesa mwanakashi shili kulubasu lwa shisamu shicite shimfule shibotu alimwi apeculu lya tulundu tulaamfu.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Jelemiya 30:8

Mwaami Lesa Shinkusu shoonse waamba ayi, “Pabushiku ubo ndaakutyola lijoko ndyebaangitwe munshingo akusutoola ntaambo nshebaangitwe. Baswamashi teshi bakabacatewo tubili busha.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Esekelo 16:28

“Wakalinga kucita bufuule abene Asilya ceebo cakutakuta kwako, nakubi boobo akwalo uko tookwe kukutaawo, sobwe.

Esekelo 16:31

Ndimwakaliyakila misena yakulambililaako shibumbwabumbwa akucitila bufuule mweela mukwakwa womwi awomwi, temwakalinga mbuli mufuule ceebo mwebo mwakalinga kukaka kupekwa maali.

Esekelo 16:41

Balaakukutentela maanda akukupa mulandu pameenso a banakashi baanji. Ndaakumana bufuule bwako alimwi teshi ukalipilewo tubili basunikwi bako.

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Esekelo 23:5

“Ono Oola lakwe wakalinga kucita bufuule kaacili mukaangu mukukumbwa bene Asilya basunikwi bakwe.

Osiya 1:2

Mwaami Lesa ndyaakatalika kwaambila bene Isilaeli kwiinda muli ndime neOsiya, wakaŋambila ayi, “Osiya, koya ukeebe. Mukaako teshi akanooshomeka abalo bana bako balaakukoshabo nyinawabo. Mbweeke ubo bantu bangu mbobakanshiya akucileka kushomeka kuli ndime neMwaami Lesa.”

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Osiya 3:3

Lyalo ndakamulwiita ayi, “Ulyeelete kwikala andime nshiku shiinji cakubula kucita bufuule nabi bulale. Anebo ndaakwikala awebo mbomunya ubo, sombi cakutakumanaawo.”

Osiya 4:13

Balabenga milambu pansonga sha tulundu akutenta tununkila kabotu patulundu tuniini munshaashisamu shilaamfu shicite matewu aanji mukwiinga shilicite shimfule shibotu. Paceebo ceeco bana banu banakashi balaya cicita bufuule abalo bamalokashi banu balaya cicita bulale.

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Bene Lefi 26:13

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Naamu 1:13

Ono bulya ntootyola lijoko lya bweendeleshi bwabo kuswa munshingo shanu akusutoola ncetani shimwaangite shoonse.”

Dutolonomi 12:2

Mucishi ico nceshi mukabwese, mukanyonyoole misena njebalambililamo balesa babo patulundu tulaamfu atufwaafwi alimwi amushisamu sha shimfule shibotu.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 26:17

Mwebo mwasumina sunu ayi Mwaami Lesa nguLesa wanu, alimwi ayi munanokweenda munshila shakwe shoonse akukonkela milawo amilasho yakwe yoonse.

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Dutolonomi 5:27

Boolela webo Mose uye unyumfwe shoonse Mwaami Lesa, Lesa wesu nsheshi aambe. Wamana uboole use utulwiite sheshi aambe. Tulaakukutika akukonkela.’

Joshuwa 1:16

Mpomunyaawo bamumishobo iyo bakakumbula Joshuwa ayi, “Tulaakucita coonse nceshi ukatulwiite alimwi akuya kuli koonse nkweshi ukatutuume.

Joshuwa 24:24

Abalo bakamwaambila ayi, “Tunanoosebensela Mwaami Lesa akumunyumfwila.”

Joshuwa 24:26

Milawo iyo Joshuwa wakeelemba muLibuku lya Milawo yakwe Lesa. Mpeeke wakabwesa libwe linene akuliimika munshaacisamu ca mubanga pafwaafwi amusena usalalite wa Mwaami Lesa.

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.

Boomboloshi 10:6

Mpeeke bene Isilaeli bakabisha alimwi pameenso aMwaami Lesa ceebo bakatalika kusebensela baBaali aba Ashitaloti. Bakasebensela abalesa ba kuSilya, Sidoni, Moabu, Amoni alimwi aba kuFilisitiya. Bakafutatila Mwaami Lesa akucileka kumusebensela.

Boomboloshi 2:11

Mpeeke bene Isilaeli bakabisha pameenso a Mwaami Lesa ceebo bakatalika kusebensela baBaali.

Boomboloshi 2:13

Nkokwaamba ayi bakacileka kulambila Mwaami Lesa akutalika kusebensela baBaali abaAshitaloti.

1 Samwelo 12:10

Lyalo bakalilila Mwaami Lesa ayi abacaafwe akwaamba ayi, ‘Twakabisha mukwiinga twakafutatila ndimwe noBaami baLesa, akulambila shibumbwabumbwa shakwe Baali ashikoshanyo shakwe Ashitaloti. Amutufuune ono kubalwani besu. Lyalo tulaakunoolambilabo ndimwe!’