Jelemiya 2:19 - Baibo Busansulushi Bwa Libuku Ili

¹⁹ Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 2:19 Marejeleo ya Msalaba

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

2 Makani 12:5

Lyalo Shemaya mulaluki wakaya kuli Leoboamu akubamatanjilili ba bene Juda abo bakabungana muJelusalemu ceebo cakuloonda Shishaki. Mpeeke wakabaambila ayi, “Mwaami Lesa waamba ayi, ‘Mwanshiiya, aboobo anebo ntoomushiya mukumwaaba kuli Shishaki.’ ”

2 Makani 21:10

Kuswabo ciindi ico bene Edomu bakaashukila bene Juda kushikila sunu. Muciindi ico ceenka bamundabala ya Libina abalo bakaashuka mukwiinga Jeolamu wakacileka kulambila Mwaami Lesa, Lesa wa bamashali bakwe bakulukulu.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Kulumbaisha 36:1

Bubi buleendelesha bamucita shibi mumyoyo yabo, Ncakwiila mumyoyo yabo taamu kulemeka Lesa napaceyi.

Kulonga 33:6

Aboobo ndibakaswa paKalundu ka Sinayi, bene Isilaeli bakacileka kufwala shakulibotesha shabo.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Isaya 3:9

Mbonekelo sha shiwa shabo shilabashinina. Balacita shibiibi cakutashisa bweenka bwakalinga kucita bene Sodoma. Ndushinisho balyeelete kunyonyooka alimwi kunyonyooka uko nkwakuliletela beene.

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Jelemiya 1:16

Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.

Jelemiya 13:22

Na mwaliipusha mumyoyo yanu ayi, “Ceebonshi shintu sha mushobo uyu shatucitikila?” Shintu ishi shamucitikila ceebo cakufula kwa shibiibi shanu. Ncecalengesha ayi shifunga shanu shikwamunwe akukumanishikwa cakukakatishikwa.

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Jelemiya 4:18

“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Jelemiya 5:24

Mwebo tamulyaambooshiiwo mumyoyo yanu ayi, ‘Atuloonde Mwaami Lesa, Lesa wesu uyo utupa mfula ya mumupewo aya mainsa muciindi ceelete akutubambila ciindi cakutebwitaamo.’

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 7:19

Sa batookalasha ndime? Sa tabatooliletelabo mapensho beene alimwi akulilensha nsoni?

Jelemiya 8:5

Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Esekelo 23:30

nsheshakuletelela. Ncakwiila webo wakakumbwa mishobo imwi akulibisha mukulambila shibumbwabumbwa shabo.

Esekelo 39:24

Ndakabacita kweelana akutasalala kwabo alimwi ashilubo shabo. Ncakwiila ndakabafutatila.”

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Osiya 13:9

“Nobene Isilaeli, ndaakumunyonyoola ceebo mwabukila ndime neemucafwa.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Osiya 5:5

Kulisumpula kwa bene Isilaeli kutoobashinina beene. Shibiibi shabo bene Isilaeli, ee, bene Efuleemu shilabawisha, ono abalo bene Juda balawa pantu pomwi ambabo.

Osiya 7:2

Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?

Sekaliya 7:11

“Sombi bantu bangu bakakaka kunyumfwa. Ncakwiila bakacala matwi abo

Bene Loma 3:18

Tabalemeki Lesa, napaceyi.”

Boomboloshi 10:13

Sombi nebo nendakamucafwa mwakamfutatila akutalika kusebensela balesa bamwi. Aboobo ndakaaka, teshi mufuneewo alimwi, sobwe.