Jelemiya 18:18 - Baibo Busansulushi Bwa Libuku Ili

¹⁸ Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 18:18 Marejeleo ya Msalaba

2 Samwelo 15:31

Ono Defedi wakalwiitikwa ayi pabaabo batookonkela aAbusalomu, Ayitofelo alakwe mpwaali. Mpomunyaawo Defedi wakapaila ayi, “NoBaami baLesa amumunyaaye busongo bwakupanda maano kwaamba ayi anokwaambabo shifwite.”

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

1 Baami 22:24

Lyalo mulaluki Sedekiya mwanaakwe Kenaana wakaya kuli Mikaya, wamuuma lupaka pameenso akumwiipusha ayi, “Mushimu wa Mwaami Lesa wakaswaawo lili muli ndime akwisa mukwaamba awebo?”

2 Makani 24:21

Sombi bantu abo bakabukila Sekaliya. Lyalo mukutumwa kumwaami Joashi, bakamuuma mabwe mulubansa lwa Ŋanda yakwe Lesa akumucaya.

Jobo 5:13

Ulacatisha basongo kwiinda mubucenjeshi bwabo alimwi ulafulunganya maano abacenjete cakufwambaana.

Kulumbaisha 21:11

Ndushinisho nabi bapangana kubishisha ndimwe, ee, nabi bapangana miyeeyo ibiibi, teshi bakaswitilile.

Kulumbaisha 52:2

Lilaya mukwipila ncito webo nkunooyeeyabo shakunyonyoola bamwi. Mulaka wako ulikolete anga nkalesala, ee, ceebo cakubeca lyoonse.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 64:3

Bantu abo balanona milaka yabo anga njimipeeni, balaŋambila maswi ayasa anga njimifwi

Tushimpi 18:21

Nshewaamba shilakonsha kukupa buumi nabi kukucaisha, ee, muntu ulyeelete kutambula shisepo sha maswi ngwaamba.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Jelemiya 1:19

Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 18:19

Lyalo nebo neJelemiya ndakapaila ayi, “Nobaami baLesa amukutike nsheentokwaamba, munyumfwe shitokwaamba baabo batoombekesha!

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 26:11

Mpeeke bapailishi abalaluki bakaambila bacinenenene abantu boonse ayi, “Muntu uyu ulyeelete kucaikwa ceebo walaluka shakunyonyoolwa kwa ndabala ino. Mwalinyumfwila amatwi anu nobeene!”

Jelemiya 37:13

Sombi ndindakashika kumwinjililo wakwe Benjameni, munene wa beshikulindilila uyo wakalinga kwiitwa ayi Ilija mwanaakwe Shelemiya mwishikulu wakwe Ananiya wakancata akuŋambila ayi, “Webo wacicila kubene Babiloni kuya mukuba kulubasu lwabo!”

Jelemiya 43:2

Lyalo Asaliya mwanaakwe Oshaya aJoanani mwanaakwe Kaleya abasankwa beshikulisumpula boonse bakaŋambila ayi “Mutoobecabo mwebo! Mwaami Lesa, Lesa wesu taakwe kumutumaawo kwisa mukwaamba ayi, ‘Tutakayi mukwikala mucishi ca Ijipiti.’

Jelemiya 44:16

“Teshi tunyumfwewo maswi ayo ngowatwaambila muliina lya Mwaami Lesa!

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Jelemiya 8:8

Ino inga mwaamba buyani ayi, ‘Tuli basongo mukwiinga tulicite milawo ya Mwaami Lesa?’ Nakubi boobo balembi babeshi balemba milawo iyo cakutashomeka.

Malilo 3:62

Mwakanyumfwa makani ngobatepeteshanya akuŋuŋuna pali ndime bushiku boonse.

Esekelo 7:26

Mapensho alaakwisa pamapenshonyina aalo maŋwiŋwi abiibi alaakunootungenebo kalongo. Mulaakunoosenga ayi balaluki bamulwiite nshebabona mushili anga nshiloto. Bapailishi balaakucileka kwiisha bantu milawo abalo bamaloba balaakucileka kupanda maano.

Bene Lefi 10:11

Alimwi mulyeelete kwiisha bene Isilaeli milawo yoonse njendakamupa kwiinda muli Mose.”

Mika 3:6

Paceebo ceeco mashiku alaakwisa alimwi teshi muboneewo cili anga nciloto. Ncakwiila munshinshe ulaakwisa alimwi teshi mukasondeewo napaceyi. Lisuba lilaakwipila kubalaluki abo, ndushinisho kulaakuboolabo mbi kuli mbabo.

Mika 3:7

Balaluki balaakufwa nsoni abalo beshikusonda balaakulenshekwa nsoni. Balaakulosha shiwa panshi mukwiinga Lesa taatoobakumbula.”

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Luka 11:45

Mpeeke mufundishi wa Milawo umwi wakamukumbula ayi, “NoBafundishi, mukwaamba boobo aswebo mwatucobola.”

Joni 9:40

BaFalisi bamwi abo mbaakalingaabo ndibakanyumfwa boobo, bakeepusha ayi, “Sa aswebo tuli boofu?”