Jelemiya 18:17 - Baibo Busansulushi Bwa Libuku Ili

¹⁷ Ndaakubapalanganishisha kunembo lya balwani babo bweenka mbuli muuwo wakwicwe. Lyalo ndaakubafutatila ncakwiila teshi nkabacafweewo baakupolelwa mapensho.”

Jelemiya 18:17 Marejeleo ya Msalaba

Jobo 27:21

Cipuupu ciswa kwicwe cilaakumupyanga, kumupyanga kuswa paŋanda yakwe.

Kulumbaisha 48:7

Mwebo nobaLesa, mwakabanyonyoola anga ngamaato aya kuTashishi, ayo akanyonyoolwa acipuupu ciswa kwicwe.

Tushimpi 24:16

Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Jelemiya 13:24

Mwaami Lesa waamba ayi, “Ndaakumupalanganyabo anga mbuungu boolulushikwa kumuuwo wa muluyanga.

Jelemiya 2:27

Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

Jelemiya 32:33

Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Esekelo 27:26

Beshikooba bakakutola kulaale palweenge lulaamfu, sombi muuwo wakwicwe wakakupasoola mutupansha tuniininiini pakati ka lweenge.

Esekelo 7:22

Lyalo ndaakufutatila kashanga bantu abo kwaamba ayi bakabishe Ŋanda yangu iyo njeensunishi. Beepi balaakwinjila muli njiyo akwiibisha.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.