Jelemiya 18:16 - Baibo Busansulushi Bwa Libuku Ili

¹⁶ Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 18:16 Marejeleo ya Msalaba

1 Baami 9:8

Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

2 Makani 29:8

Mpeeke bukali bwa Mwaami Lesa bwakaselukila bene Juda abene Jelusalemu. Isho nshaakacita pali mbabo shakakankamika akuyoosha bantu boonse. Cikani ici mwebo mulicishi kabotu.

Kulumbaisha 109:25

Ndaba shikusekwa kubaabo beshikumbekesha. Na bambonabo, balatalika kulipukumuna mitwi.

Kulumbaisha 22:7

Boonse bambona balancelebula, balancobola akunoopukumunabo mitwi yabo.

Kulumbaisha 44:14

Mwatulengesha kuba ntantaala ya maleende ya mishobo imwi, bulya kulilabo utokwiinda ulapukumuna mutwi pali ndiswe.

Isaya 37:22

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Jelemiya 19:8

Lyalo ndabala iyi ndakwiinyonweetabo limwi akwiilensha nsoni. Lyalo boonse abo beshi bakanokwiinda pafwaafwi balaakunookankamana akucobola ceebo ca mapensho oonse a njiyo.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 42:18

“Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Bweenka bukali bwangu bwiindaawo mbobwakapoomokela pali baabo bakalinga kwikala kuJelusalemu, mbweeke ubo mbweshi bukapoomokele ndimwe mwaakuya kuIjipiti. Lyalo mulaakuba cintu ceelete kushinganwa, kuloondwa, kushibulukwa akusekwa. Cishi cino teshi mukacibonewo tubili.’ ”

Jelemiya 44:12

Ndaakunyonyoola bene Juda bakacaalaawo abo bakalinga kushinishite kuya mukwikala kuIjipiti. Boonse balaakulobelaamo. Balaakufwita munkondo nabi kufwa kunsala kutalikilabo kubantu bataaku mbobabete kushikila akubaabo balemekwa. Balaakuba cintu ceelete kushinganwa, kuloondwa, kushibulukwa akusekwa.

Jelemiya 48:27

Sa mwebo nobene Moabu teshi ndimwe mwakalinga kuseka bene Isilaeli? Sa bakacatwa pakati ka bapambi ico cimulengesha kunoopukumunabo mitwi mukubashibuluka kulilabo na mwaamba pali mbabo?

Jelemiya 49:13

Ndashomesha cakulumbila muliina lyangu ayi, ‘Ndabala inene ya Bosila ilaakunyonyoolwa akuba matongo, cintu ceelete kuloondwa, kusekwa alimwi akushinganwa. Ncakwiila mandabala oonse ashingulukite alaakuba matongo kwalyoonse alyoonse.’ Nebo neMwaami Lesa ndaamba.”

Jelemiya 49:17

“Cishi ca Edomu cilaakuba cintu ceelete kuloondwa. Boonse abo beshi bakanokwiindaamo balaakucatabo pamilomo akuseka ceebo cakunyonyoolwa uko kweshi kukacitike.

Jelemiya 50:13

Ceebo ca bukali bwangu nebo neMwaami Lesa, taaku weshi akekale mundabala ya Babiloni tubili. Sombi ndabala ilaakubeta limwi matongo. Boonse abo beshi bakanokwiindaamo balaakuloonda akuseka pamapensho oonse eshi akacitikeemo.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 51:43

Mandabala a mumo alaakuba matongo. Ncakwiila cishi ico cilaakuba matongo, cishi ciyumu nta akuba luyanga. Taaku muntu weshi akanookalaamo alimwi teshi mukanokwiinda muntu nabi womwi.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 1:12

Itokoolobesha kumuntu woonse utokwiinda ayi, “Sa taaku ancemubwene mwebo noonse nomutokwiinda? Amucebuke taangunaansha mubone. Sa kuli wakapengawo kale mbondapenga nebo? Sa kuli wakabonawo kale mapensho mbuli aya andetela Mwaami Lesa mubushiku bwa bukali bwakwe buyoosha?

Esekelo 12:19

Kuswawaawo waambile bene Isilaeli ayi, pabantu bekala muJelusalemu amucishi ca Isilaeli Mwaami Lesa Shinkusu shoonse waamba ayi, ‘Balaakunoolya shakulya shabo cakulisukama akunwa maanshi caboowa. Shintu shoonse sha mucishi cabo shilaakubwesekwa ceebo ca shintu shalunkutwe sha bantu boonse bekalaamo.

Esekelo 27:36

Beshimakwebo ba mumishobo imwi batookuseka. Meelelesho ako abica abuumbi, ncakwiila walobela limwi.’ ”

Esekelo 36:3

“Paceebo ceeco laluka akubalwiita ceeco ncendaamba nebo neMwaami Lesa Shinkusu shoonse. Mishobo ishingulukite ndiyakakoma akusaala tulundu twa Isilaeli, yoonse yakasebaanya bene Isilaeli.

Esekelo 6:14

Ndaakufungulula lyaansa lyangu akunyonyoola cishi cabo kuswa kuluyanga lwakumalenge kuya mukushika kuLibula kumatwa. Nkokwaamba ayi koonse uko nkobashiite. Lyalo ndyeshi bakeshibe ayi nebo ndi Mwaami Lesa.”

Bene Lefi 26:32

Acalo cishi canu ndaakucinyonywetabo limwi cakwaamba ayi balwani banu bekalaamo balaakukankamana.

Bene Lefi 26:43

Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Mateyo 27:39

Mpeeke bantu bakalinga kwiindilaako, bakalinga kupukumunabo mitwi akunoocobola Jesu

Maako 15:29

Mpeeke bantu bakalinga kwiindilaako, bakalinga kupukumunabo mitwi akunoocobola Jesu kabaamba ayi, “Amubone! Webo ndiwe wakalinga kwaamba ayi ulaakumwayulula Ŋanda yakwe Lesa akwiiyaka alimwi munshiku shotatwe.

Dutolonomi 28:59

ulaakutumina ndimwe abamulunyungu lwanu myaalu iyoosha, mapensho atamaani alimwi amalwashi atashilikiki.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.