Jelemiya 16:21 - Baibo Busansulushi Bwa Libuku Ili

²¹ Mpomunyaawo Mwaami Lesa wakaamba ayi, “Paceebo ceeco ntoobeeisha, ee, bulya ntooyanda kubeeisha nkusu abulemu bwangu. Ingaawo ndyeshi bakeshibe ayi Mwaami Lesa ndyeliina lyangu.”

Jelemiya 16:21 Marejeleo ya Msalaba

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulumbaisha 9:16

Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 15:3

Mwaami Lesa ngushilumamba. Mwaami Lesa, ndyeliina lyakwe.

Kulonga 6:3

Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Jelemiya 33:2

Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,

Esekelo 24:24

Esekelo waba citondesho kuli ndimwe, mulaakucita bweenka mbwaacita. Shintu ishi shaakucitika, ndyeshi mukeshibe ayi nebo ndi Mwaami Lesa.’ ”

Esekelo 24:27

Paciindi ico ulaakukonsha kwaamba. Ulaakubandikaakwe alimwi teshi ukoomunewo tubili. Paceebo ceeco ulaakuba citondesho kuli mbabo. Lyalo ndyeshi bakeshibe ayi nebo ndi Mwaami Lesa.”

Esekelo 25:14

Ndaakuboosha cishole kucishi ca Edomu kwiinda mubantu bangu bene Isilaeli. Balaakucita bene Edomu kweelana abukali bwangu buyoosha. Lyalo bene Edomu balaakwishiba mbocibete kubooshelwa cishole kuli ndime. Nebo neMwaami Lesa Shinkusu shoonse ndaamba.’ ”

Esekelo 6:7

Bantu balaakucaikwa pakati kabo kumbasu shoonse sha cishi. Abo beshibakacaaleewo balaakusumina ayi nebo ndi Mwaami Lesa.

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.