Jelemiya 16:18 - Baibo Busansulushi Bwa Libuku Ili

¹⁸ Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Jelemiya 16:18 Marejeleo ya Msalaba

Kulumbaisha 106:38

Bakatila bulowa bwa baabo batacite mulandu. Ee, bulowa bwa bana babo basankwa abanakashi abo mbobakabenga kushibumbwabumbwa shine Kenani. Bucayi ubo bwakacitika bwakabisha cishi ico coonse.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 61:7

Pamusena wakwaamba ayi bantu bakwe balenshekwe nsoni, shoolwe shilaakunoosa mambili kuli mbabo. Ncakwiila pamusena wakwaamba ayi basebaanishikwe, balaakunoosangalalabo mucishi ncebakapekwa. Balaakunokwaabilwa shipansha nshobilo mucishi cabo. Lyalo balaakunoosangalala kwalyoonse alyoonse.

Isaya 65:6

“Amubone mulandu wabo ulilembetwe kale, ncakwiila teshi nkoomunebo, sombi ndaakuboosha cishole cikwene, ee, cishole pabubi ubo mbobakacita.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Jelemiya 17:18

Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Esekelo 11:18

“Balaakuboolela mucishi cabo, bakakusheemo shikoshanyo shoonse shifundoosha kumoyo shiliimo alimwi ashibumbwabumbwa shilensha bunya.

Esekelo 11:21

Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”

Esekelo 36:18

Aboobo ndakabalengesha kunyumfwa cilemeneshi ca bukali bwangu buyoosha ceebo ca bulowa mbobakatila mucishi alimwi mukwiinga bakacibisha kushibumbwabumbwa shabo.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Mika 2:10

Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.