Jelemiya 16:17 - Baibo Busansulushi Bwa Libuku Ili

¹⁷ Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 16:17 Marejeleo ya Msalaba

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Jobo 10:14

Mwakalinga kunjebelabo kubona na inga ndabiisha kwaamba ayi mutakandekeleli shibiibi shangu.

Jobo 31:4

Lesa ulishibwene nshila shangu shoonse alimwi ulalangishisha nyendelo shangu shoonse.

Kulumbaisha 109:15

Mwaami Lesa kaaibaluka shibiibi shabo lyoonsebo sombi balo abakaluubwe cakumaninina pacishi ca panshi.

Kulumbaisha 139:3

Mulambona mbuli mbooŋenda amboongona, nshila shangu shoonse mwebo mulishishi.

Kulumbaisha 33:15

NguLesa uyo wakabapa tulango twabo, alimwi shoonse nshebacita ulishishi.

Kulumbaisha 51:9

Amufutatile shibiibi shangu akushiminganya bubi bwangu boonse.

Kulumbaisha 90:8

Mwabika shilubo nshetucite pameenso anu, shibiibi shesu shishisitwe mwashitula patuba kunembo lyanu.

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Isaya 29:15

Mapensho kuli baabo beelesha cankusu kushisa miyeeyo yabo kuswa kuMwaami Lesa. Ee, kubantu abo bacita milimo yabo mumunshinshe akuyeeya ayi, “Anu ngani weenga watubona? Anu ngani weenga weshiba?”

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Jelemiya 2:22

Nabi usambe amushika na soopo uunji, kusombela kwa shibiibi shako kulaakunoobweneketebo.

Jelemiya 23:24

Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

Jelemiya 29:23

Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Jelemiya 7:11

Sa Ŋanda yangu ino mwayaalula yaba momwakuyubila beepi? Sombi nebo ndishibwene nshemutoocita! Nebo neMwaami Lesa ndaamba.

Esekelo 8:12

Mpeeke Lesa wakanjipusha ayi, “Webo omuntu, sa wabona bamaloba ba bene Isilaeli mbobatoocita mubushishi? Womwi awomwi utoolambila cibumbwabumbwa cakwe. Balo balaamba ayi, ‘Mwaami Lesa taatubweneewo, ncakwiila cishi wakacisuula.’ ”

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.