Jelemiya 15:19 - Baibo Busansulushi Bwa Libuku Ili

¹⁹ Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

Jelemiya 15:19 Marejeleo ya Msalaba

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Jelemiya 35:19

Paceebo ceeco nebo neMwaami Lesa, Lesa wa bene Isilaeli, ntooshomesha kwaamba ayi Jonadabu mwanaakwe Lekabu ulaakunoocite musankwa wamulunyungu lwakwe shikunsebensela lyoonsebo.”

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Jelemiya 6:29

Mulilo muminyumbi ulanyaka cankusu kwaamba ayi usungulule ceela, sombi ceela ico tacitooboteshekwaawo ceebo bantu babiibi tabatookushikwaamo.

Malilo 1:11

Bantu ba njiyo boonse batootongela pakuyandoola cakulya. Batooshinta buboni bwabo ashakulya kwaamba ayi babe abuumi. Ndabala iyo itokwaamba ayi, “Amubone, noBaami baLesa akutuyeeya ceebo twacoboka.”

Esekelo 2:7

Webo ubalwiitebo maswi angu nabi bakanyumfwe nabi batakanyumfwi ceebo mbaashu.

Esekelo 22:26

Bapailishi balapwaya milawo yangu akutalemeka shintu shangu shisalalite. Tabacishi kupansaanya shintu shisalalite ashitasalalite pakulambila. Balo baleeisha ayi taapu bupusano pakati ka shintu shisalalite kweelana aMilawo ashitasalalite. Tabalami abushiku bomwi abomwi bwakookesha bwa Cibelu. Paceebo ceeco bene Isilaeli tabandemeki.

Esekelo 44:23

Bapailishi balyeelete kwiisha bantu bangu bupusano buli pakati ka shintu shisalalite ashitasalalite alimwi abupusano buli pakati ka shintu shisalalite kweelana aMilawo ashitasalalite.

Bene Lefi 10:10

Mulyeelete kwishiba shintu sha Mwaami Lesa alimwi ashintu shakusebensesha munshila ili yoonse, akwishiba shintu shisalalite kweelana aMilawo alimwi ashitasalalite.

Bene Lefi 14:57

Milawo iyi njeebonesha na cintu cimwi tacisalalite nabi cilisalalite.

Jona 3:2

“Nyamuka uye kundabala inene iindaawo ya Ninife, ukashimikile bantu ba mumo makani ngondakakulwiita.”

Sekaliya 3:7

“Mwaami Lesa Shinkusu shoonse waamba ayi, ‘Na ukanokweenda munshila shangu akucita nsheensuni, ulaakunokweendelesha Ŋanda yangu amansa shangu. Lyalo ndaakukupa musena pakati ka baanjelo aba beemfwi waawa.

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 12:12

Mukwiinga Mushimu Usalashi ulaakumwiisha paciindi ceenka ico nshemweelete kwaamba.”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Galatiya 2:5

Sombi tatukwe kubashiilawo musena napaceyi ceebo twakalinga kusuni kwaamba ayi tumusungile lushinisho lwa Makani Abotu.

Bene Ebulu 5:14

Sombi shakulya shiyumuyumu nsha bamanene. Kwiinda mukusebensesha maano, balakonsha kupansaanya cibotu acibiibi.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.