14 Ndaakumulengesha kuba basha kubalwani banu mucishi ico ncemuteshi ceebo bukali bwangu bulaakunyansha mulilo uyo weshi ukamuteente.”
Bushiku mbweshi mukaboneke mulaakubawaala mumulilo uli anga ngwa mumunyumbi. Mwaami Lesa ulaakubamana katyenke mubukali bwakwe. Ncakwiila mulilo wakwe ulaakumana kubalobya.
Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.
Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”
Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”
Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”
Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”
Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.
Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.
ndaakumutola mubusha mucishi cili kwiindilila ndabala ya Damasikasi. Nebo neMwaami Lesa Shikunsu shoonse ndaamba.”
“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.
“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.
“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.
Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.
Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.
Mukwiinga Lesa wesu ncakwiila ngumulilo unyonyoola.