Jelemiya 15:10 - Baibo Busansulushi Bwa Libuku Ili

¹⁰ Maawe mbondapengaako nebo! Anu bama bakanshalilanshi? Nebo ndishikwaambana akupikishikwabo abantu boonse bamucishi! Nshina kukweleteshawo kale nabi kukweletaawo kumuntu, nakubi boobo muntu womwi awomwi ulanshingana.

Jelemiya 15:10 Marejeleo ya Msalaba

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

Kulumbaisha 109:28

Nabi banshingana, mwebo munanoompa coolwe. Na bandwana, mwebo munanoobalensha nsoni. Sombi nebo nemusebenshi wanu nanoosangaletebo.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Kulonga 22:25

“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.

Tushimpi 26:2

Mashingo taakoonshi kukucisa na taakweelete. Ee, alaba anga mbayuni balelembabo, sombi cakutekalaawo.

Jelemiya 15:20

Ndaakukulengesha kuba lubumbu kubantu aba, ee, lilinga lya bulonse kuli mbabo. Balaakukulwana, sombi teshi bakakukomeewo ceebo ndi awebo kwaamba ayi nookufuna akukupulusha.

Bene Lefi 25:36

Utamulipilishi kusotoka pasheesho nshewakamupa, sombi unyumfwile nebo neLesa wako ayi mwine Isilaelinyoko ekale pafwaafwi awebo.

Bene Lefi 25:37

Na wamukweletesha, utamusesi kwiinda pamaali ngowakamupa. Alimwi na wamuulisha cakulya, utamulipilishi kwiinda pamaali ngomwakapangana.

Abakuku 1:3

Ceebonshi mulanengesha kubona shintu shitaluleme? Ceebonshi mulalangilishabo shilubo sha mushobo uyu? Amubone ndishiitebo pakati ka kunyonyoolwa ashimfulunganya. Kulwana akupikishanya kulibo kumbasu shangu shoonse.

Mateyo 24:9

“Lyalo balaakumutola mukupenshekwa alimwi akumucaya. Bantu ba mishobo yoonse balaakumupata ceebo ca liina lyangu.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Milimo ya Batumwi 28:22

Sombi tulisuni kunyumfwa miyeeyo yako mukwiinga tulishi kwaamba ayi kuli koonsebo, bantu balaamba ayi likoto ili ndyoobeteemo talibete kabotu.”