Jelemiya 14:9 - Baibo Busansulushi Bwa Libuku Ili

⁹ Mwabetanshi anga ngumuntu wapolomokelwabo cintu, nabi anga ngushilumamba wabula nkusu shakufuna? NoBaami baLesa muli pakati kesu alimwi tuli bantu banu. Mutatufutatili twamusenga.’ ”

Jelemiya 14:9 Marejeleo ya Msalaba

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Kulumbaisha 10:1

Ceebonshi noBaami baLesa mulaboneka anga muli kulaale? Mulabonekelanshi anga muliyubite ndituba mumapensho?

Kulumbaisha 27:9

ono mutanoolishisa kuswa kuli ndime.” Mutantandaanyi nemusebenshi wanu cabukali, mwebo ndimwe muncafwa mumapensho angu. Mutansuuli, ncakwiila mutamfutatili, mwebo nobaLesa bapulushi bangu.

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 43:7

Boonse mbantu bangu, ndakabalenga ayi banoompa bulemu.”

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Isaya 59:1

Mutayeeyi kwaamba ayi Mwaami Lesa taacite nkusu shakumupulusha, alimwi ayi matwi akwe alishinkite, inga taanyumfwi, sobwe.

Isaya 63:19

Swebo tuli bantu banu kuswabo kale kale sombi balo tamuna kubawo kale baleli babo, ncakwiila tabakwe kwiitwawo kale muliina lyanu.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Jelemiya 51:5

Nebo neMwaami Lesa Shinkusu shoonse nshikwe kusuulaawo bene Isilaeli abene Juda nakubi kwaamba ayi cishi cabo ciliswitebo milandu kunembo lyangu neUsalalite wa bene Isilaeli.

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Malilo 5:20

NoBaLesa ino ceebonshi mulatuluba lyoonse? Ino mwatulekelela buyani kwaciindi cilaamfu?

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Abakuku 1:2

NoBaami baLesa, citooba ciindi cilaamfu buyani kaansenga lucafwo mwebo cakutankumbulaawo? Citooba ciindi cilaamfu buyani kaamulilila ayi, “Nshimfulunganya kuno,” mwebo cakutamfunaako?

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Shakubelenga 11:23

Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”

Milimo ya Batumwi 15:17

Aboobo bantu bamwi boonse balaakulangoola nshila ya Mwaami Lesa, nkokwaamba ayi baswamashi bakunsengwe boonse abo mbondakasala ayi babe bantu bangu.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 23:14

Misumba iyo ilyeelete kunoosalalite ceebo Mwaami Lesa, Lesa wanu uli amwebo pamusena apo mukumulama akulengesha ayi mukome balwani banu. Kuteelesha kucita cintu nabi comwi citaluleme ico ceenga calengesha ayi Mwaami Lesa, Lesa wanu amufutatile.

Dutolonomi 28:10

Lyalo bantu boonse ba mucishi ca panshi balaakubona ayi Mwaami Lesa wakamusala ayi mube bantu bakwe cancinencine, paceebo ceeci balaakumuloonda.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.