Jelemiya 14:22 - Baibo Busansulushi Bwa Libuku Ili

²² Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 14:22 Marejeleo ya Msalaba

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Baami 17:14

Mukwiinga Mwaami Lesa, Lesa wa bene Isilaeli waamba ayi, ‘Mbale teshi ikabule fulaulo nabi nkomeshi kumana mafuta kushikila bushiku nebo neMwaami Lesa ndyeshi nkantume mfula.’ ”

1 Baami 18:1

Ndipakeenda ciindi, mumwaaka watatu wa cilanga, Mwaami Lesa wakaambila Elija ayi, “Koya ulishiishe kumwaami Aabu, lyalo ndaakutuma mfula.”

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Jobo 28:26

Lesa ndyaakaamba ciindi cakulokelawo mfula akubamba nshila mwakwiinda makumbi a mfula,

Jobo 5:10

Ulalokesha mfula pacishi ca panshi, alimwi akutuma maanshi mumyuunda.

Kulumbaisha 130:5

Ndalindila lucafwo lwa Mwaami Lesa amoyo woonse. Ndicinkite manungo mumaswi akwe.

Kulumbaisha 135:7

Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.

Kulumbaisha 147:8

Lakwe ngoofwekelesha liculu amakumbi, ngoolosha mfula pacishi ca panshi, akumenesha bwiisu patulundu.

Kulumbaisha 25:21

Kushomeka kwangu abululami bwangu shimfuune, mukwiinga kulangila kwangu kuli muli ndimwe.

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Jelemiya 10:13

Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 10:3

Kwishibila kwa bantu aba taaku mbokubete. Balatema cisamu muluundu ico shikubesa ncaabesa ambeso yakwe.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 5:12

Bantu ba Mwaami Lesa bakaamba shabubeshi pali nguwe ayi, “Taaku nceshi akacitewo! Teshi tukapolelwewo mapensho. Ncakwiila ayi teshi tukapolelwewo nkondo nabi nsala, sobwe.

Jelemiya 5:24

Mwebo tamulyaambooshiiwo mumyoyo yanu ayi, ‘Atuloonde Mwaami Lesa, Lesa wesu uyo utupa mfula ya mumupewo aya mainsa muciindi ceelete akutubambila ciindi cakutebwitaamo.’

Jelemiya 51:16

Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.

Osiya 2:7

Balaakunooya cikonkela basunikwi babo, sombi teshi bakabeensheewo. Balaakunooya cibayandoola, sombi teshi bakabacaneewo. Lyalo balaakwaamba ayi, ‘Ntooboolela kubeebaangu bataanshi ceebo kuli mbabo ndakalingako kabotu kwiinda mboombete bulya.’

Jowelo 2:23

Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Amosi 4:7

Ndakamucatila amfuula kakucili myeenshi yotatwe ayi kutebula kushikile. Ndime ndakalengesha mfula kuloka mundabala yomwi, sombi kuteshi mundabala imwi. Ndakeelengesha kuloka mumuunda womwi, sombi kuteshi mumuunda umwi, aboobo mwakayumabo nta!

Mika 5:6

Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Mateyo 5:45

kwaamba ayi mube baana ba Ishiwanu uli kwiculu.’ Ceebo lakwe lisuba lyakwe lilaswa, lumwi lulabala pabamucita shibi abali kabotu, akuloshesha mfula baluleme abataluleme boonse.

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.