Jelemiya 14:20 - Baibo Busansulushi Bwa Libuku Ili

²⁰ Nobaami baLesa, twalyaambilila shibiibi shesu ashibiibi sha bamashali besu bakulukulu. Ncakwiila twakamubishisha.

Jelemiya 14:20 Marejeleo ya Msalaba

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

Neyemiya 9:2

Bamulunyungu lwa bene Isilaeli bakalipatula kuswa kubaswamashi. Mpeeke bakeemikana akulyaambilila shibiibi shabo abubi bwa bamashali babo bakulukulu.

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Jelemiya 3:25

Atoone panshi kunsoni akuleka ayi shitucaaye. Twakabishisha Mwaami Lesa, Lesa wesu, swebo pantu pomwi abamashali besu bakulukulu. Kuswa kubwanike bwesu kushika sunu tatunyumfwiliiwo Mwaami Lesa, Lesa wesu, napaceyi.”

Jelemiya 8:14

Bantu bakwe Lesa bakeepusha ayi, “Ino nciinshi ncetushiitile waano? Atubungane pomwi, twamana tucicile kumandabala acite malinga, tuye tufwite nkuko. Atucite boobo ceebo Mwaami Lesa, Lesa wesu watupa mulandu ayi tufwe akutupa maanshi akola ayi tunwe mukwiinga twakamubishisha.

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Malilo 3:42

“Twakamubishisha akumwaashukila alimwi mwebo noBaami baLesa tamuna kutulekelela.

Malilo 5:7

Bamashali besu bakulukulu bakabisha akuloba. Ono bulya swebo twafwita calya nkanga.

Danyelo 9:15

“NoBaami baLesa, baLesa besu, mwakatondesha nkusu shanu mukukusha bantu banu kuswa mucishi ca Ijipiti. Nkusu shanu isho shiciyeeyekwa asunu. Sombi twakabisha alimwi twakalubisha.

Amosi 7:2

Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”