Jelemiya 14:18 - Baibo Busansulushi Bwa Libuku Ili

¹⁸ Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 14:18 Marejeleo ya Msalaba

Esekelo 7:15

Pansengwe pali nkondo, mukati muli mwaalu ansala. Abo bali mumishi balaakufwa kunkondo abalo abo bali mundabala inene balaakucaikwa kunsala akumwaalu.

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Dutolonomi 28:36

“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Jelemiya 23:21

Nebo nshikwe kutumaawo balaluki aba, nakubi boobo bakalitumabo beene beenka. Nshikwe kubandikaabo, nakubi boobo balo bakalaluka.

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Isaya 22:2

Nciinshi cacitika mwebo nobamundabala inene ya shimfulunganya, ciyobeyobe alimwi amangwengwe? Basankwa banu bakacaikwa tabakwe kufwa kumipeeni, ncakwiila tabakwe kufwita kunkondo, sobwe.

Jelemiya 6:25

Mutayi kumyuunda nabi kuya bweendeenda mumikwakwa ceebo balwani banu balicite mipeeni cakwaamba ayi koonse kutooloondesha.”

Amosi 4:6

“Ndime ndakaleta nsala mundabala inene yomwi ayomwi, ee, ndime ndakalengesha ndabala yomwi ayomwi kubula cakulya. Sombi mwebo tamukwe kusandukilawo kuli ndime.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.