Jelemiya 14:16 - Baibo Busansulushi Bwa Libuku Ili

¹⁶ Lyalo abantu abo mbobatoolalukilaako balaakuwaalwa mumikwakwa ya muJelusalemu ceebo ca nsala ankoondo. Teshi kukabeewo shikubabika nabi shikubika bamakaabo, bana babo basankwa nabi banakashi. Ndaakubapoomweta mapensho ayo abeelete.”

Jelemiya 14:16 Marejeleo ya Msalaba

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 9:16

Abo batanjilila bantu aba, babapilinganya. Abalo abo batanjililwa basowekwa.

Jelemiya 16:4

Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.

Jelemiya 18:21

Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Jelemiya 20:6

Ono webo Pasha alimwi abamuŋanda yako mulaakutolwa busha kuBabiloni. Uko ulaakufwa akubikwa pantu pomwi ababyo abo mbowakalalukila bubeshi.’ ”

Jelemiya 27:15

Mwaami Lesa wakaamba ayi, ‘Nshikwe kubatuma, sobwe. Batoolaluka shabubeshi muliina lyangu. Paceebo ceeco, ndaakumutanda, mukaloobe mwebo pantu pomwi abalaluki abo bamulalukila shabubeshi.’ ”

Jelemiya 4:18

“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 7:33

Lyalo mituntu ya bantu aba ilaakuba cakulya ca bayuni abanyama bamuluundu kwakubula amuntu nabi womwi ubakonga.

Jelemiya 8:1

Mwaami Lesa waamba ayi, “Paciindi ico, mafuwa a bamaami abacinenenene bene Juda, bapailishi, balaluki alimwi aa bantu ba kuJelusalemu alaakukushikwa mushuumbwe shabo.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Jelemiya 9:20

Mpeeke ndabaambila ayi, “Mwebo nobanakashi, amunyumfwe maswi a Mwaami Lesa. Amunyumfwe maswi ngaatokwaamba. Amwiishe bana banu banakashi kulila cakooloma. Amwiishanye nyimbo shamalila.

Jelemiya 9:22

Mwaami Lesa waamba ayi, “Baambile ayi, ‘Mituntu ya bantu ilaakunoolibo anga ngamatombe apantantaala muluundu. Ee, ilaakunoobonekabo anga ngamaila aceswabo kwakutaabunjika kwisule lya shikucesa.’ ”

Esekelo 39:14

Ono yaakumana myeenshi yosanwe ayobilo, bantu balaakusalwa ayi baye ciyandoola mituntu itana kufukilwa. Bamwi balaakunooya ciifukila mukusalasha cishi.

Amosi 7:17

“Paceebo ceeco pali ndiwe Mwaami Lesa waamba ayi, ‘Mukaako ulaakuba mufuule mundabala inene. Abalo bana bako basankwa abanakashi balaakufwa kunkondo. Cishi cako cilaakutimboolwa akubaanishikwa alimwi webo ulaakufwita mucishi ca bakunsengwe. Ncakwiila bene Isilaeli boonse balaakutolwa busha kuswa mucishi cabo kuya mucishi citeshi cinebo.’ ”

Mateyo 15:14

Mutalisukami ambabo, mbamatanjilili boofu. Aboobo na moofu watanjilila moofunyina, boonse bobilo balawita mucilindi.”

Ciyubululo 16:1

Mpomunyaawo ndakanyumfwa liswi lyakoolobeshekwa kubaanjelo bosanwe abobilo kuswa muŊanda yakwe Lesa ayi, “Kamuya mukapukwite bukali bwakwe Lesa ubo buli mumbale shifongomene shosanwe ashobilo mucishi ca panshi!”