Jelemiya 14:14 - Baibo Busansulushi Bwa Libuku Ili

¹⁴ Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

Jelemiya 14:14 Marejeleo ya Msalaba

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Jelemiya 20:6

Ono webo Pasha alimwi abamuŋanda yako mulaakutolwa busha kuBabiloni. Uko ulaakufwa akubikwa pantu pomwi ababyo abo mbowakalalukila bubeshi.’ ”

Jelemiya 28:11

Mpeeke wakaamba bantu boonse kabanyumfwite ayi, “Mwaami Lesa waamba ayi, ‘Bweenka bulya mbweshi nkatyole lijoko lyakwe Nebukadinesa mwaami wa bene Babiloni kuswa munshingo sha mishobo yoonse myaaka yobilo keetana kumana.’ ” Lyalo ndakakumbuluka.

Jelemiya 28:13

“Koya ukaambile Ananiya ayi nebo neMwaami Lesa ndaamba ayi, ‘Wakonsha kutyola lijoko lya cisamu, sombi ndaakuboosheshaawo lya nshimbi.’

Jelemiya 28:15

Mpomunyaawo nebo neJelemiya ndakaambila Ananiya mulaluki ulya ayi, “Nyumfwa webo Ananiya! Mwaami Lesa taakwe kukutumaawo, sobwe. Sombi webo walengesha bantu aba kushoma makani abubeshi.

Jelemiya 29:21

Mwaami Lesa Shinkusu shoonse utokwaamba makani aya pali Aabu mwanaakwe Kolaya aSedekiya mwanaakwe Maseiya abo batoomulalukila shabubeshi muliina lyangu. Waamba ayi, ‘Ndaakubaaba mumaansaakwe Nebukadinesa mwaami wa bene Babiloni uyo eshi akabacaaye kamubweneeko.’

Jelemiya 29:31

“Tuma makani kubantu boonse bali mubusha akwaamba ayi nebo neMwaami Lesa pali Shemaya mwine Neelamu ndaamba ayi, ‘Ono ceebo cakwaamba ayi Shemaya wakamulalukila nakubi kwaamba ayi nshikwe kumutuma akumulengesha kushoma shabubeshi,

Jelemiya 37:19

Ino bali kuli balaluki banu abo bakalinga kumulalukila ayi, ‘Mwaami wa bene Babiloni teshi akamulwaneewo nabi kulwana cishi cino?’

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Jelemiya 8:11

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Malilo 2:14

Shili anga nshiloto shakalinga kubona balaluki banu shakalinga shabubeshi shitacite ncito. Ee, bulaluki bwabo tebwakalinga kuyubulula shibiibi shako ayi ukabule kucatwa busha. Ncakwiila bakakulengesha kuyeeya ayi kusanduka kuswa kushibiibi shako taciyandiki.

Malilo 2:9

Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Esekelo 12:24

“Lyalo pabene Isilaeli teshi pakabeewo tubili shili anga nshiloto shabubeshi ashabulaluki shakucenjeeka pabene Isilaeli.

Esekelo 13:2

“Webo omuntu, Laluka mapensho pabalaluki bene Isilaeli abo balaluka sha mumitwi yabo beene. Ubaambile ayi, ‘Amunyumfwe maswi a Mwaami Lesa.’ ”

Esekelo 13:23

Paceebo ceeco teshi mukabonewo tubili shili anga nshiloto shanu shabubeshi nabi kulaluka shakucenjeeka. Ndaakupulusha bantu bangu kuswa mumaansaanu. Lyalo ndyeshi mukeshibe ayi nebo ndi Mwaami Lesa.”

Esekelo 21:29

Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Sekaliya 10:2

Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.

Sekaliya 13:3

Lyalo na umwi akanoocisuni kulaluka, baishi abanyina balaakumwaambila ayi, ‘Webo ulyeelete kufwa ceebo utoobeca kwiinda mukusebensesha liina lya Mwaami Lesa.’ Muntu wa mushobo uyo bamashali bakwe mwiine balaakumuyasa.

Dutolonomi 18:20

Sombi mulaluki woonse uyo waamba muliina lyangu makani ngoontakwe kumulwiita, nabi wooyo waamba muliina lya balesa bamwi, ulyeelete kucaikwa.’

1 Timoti 4:2

Kwiisha uko kulaakwisa kwiinda mubabeshi abo baamba nshebataciti, bacite miyeeyo italuleme, sombi ili anga yakatentwa ceela cilungula.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.