Jelemiya 14:13 - Baibo Busansulushi Bwa Libuku Ili

¹³ Lyalo nebo ndakaamba ayi, “Nobaami baLesa beShinkusu shoonse, balaluki balabaambila ayi, ‘Teshi mukabonewo nkondo nabi kufwa kunsala. Ncakwiila mulaakupekwabo luumuno mucishi canu.’ ”

Jelemiya 14:13 Marejeleo ya Msalaba

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Jelemiya 1:6

Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”

Jelemiya 20:6

Ono webo Pasha alimwi abamuŋanda yako mulaakutolwa busha kuBabiloni. Uko ulaakufwa akubikwa pantu pomwi ababyo abo mbowakalalukila bubeshi.’ ”

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 37:19

Ino bali kuli balaluki banu abo bakalinga kumulalukila ayi, ‘Mwaami wa bene Babiloni teshi akamulwaneewo nabi kulwana cishi cino?’

Jelemiya 4:10

Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”

Jelemiya 5:12

Bantu ba Mwaami Lesa bakaamba shabubeshi pali nguwe ayi, “Taaku nceshi akacitewo! Teshi tukapolelwewo mapensho. Ncakwiila ayi teshi tukapolelwewo nkondo nabi nsala, sobwe.

Jelemiya 5:13

Balaluki taaku mbobabetewo ngumuuwobo ceebo maswi a Mwaami Lesa taamo muli mbabo. Anu isho nshebaamba ashicitikile mbabo.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 6:14

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Jelemiya 8:11

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Esekelo 12:24

“Lyalo pabene Isilaeli teshi pakabeewo tubili shili anga nshiloto shabubeshi ashabulaluki shakucenjeeka pabene Isilaeli.

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.