Jelemiya 13:27 - Baibo Busansulushi Bwa Libuku Ili

²⁷ Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 13:27 Marejeleo ya Msalaba

Kulumbaisha 94:4

Balaamba maswi akulisumpula cakutacilekaawo, bamucita shibi balalyuuma mushaamba lyoonse.

Kulumbaisha 94:8

Amunyumfwe mwebo nomutacite maano nomuli pakati ka bantu bangu. Mwebo nobaluya, anu mulaakuba lili basongo?

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Isaya 57:7

Mwakalipangila amalo patulundu tulaamfu apo mpomucitila bulale. Apo mpomunya mpomuya mukubengela milambu.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Jelemiya 11:15

Mwaami Lesa waamba ayi, “Bantu mboonsuni batoocita shintu shibiibi. Balicite nkusunshi shakwinjila muŊanda yangu? Sa batooyeeya ayi inga baciba kupekwa mapensho kwiinda mukushomesha shintu akubenga milambu yakutenta? Sa ico cilaakubalengesha kusangalala?

Jelemiya 3:6

Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.

Esekelo 16:23

Mwaami Lesa Shinkusu shoonse waamba ayi, “Mapensho, mapensho kuli ndiwe! Peculu lya shibiibi shako shimwi,

Esekelo 2:10

ico ncaakafungulula kunembo lyangu. Cakalinga kulembetwe maswi abuumba, akulila alimwi amaswi amapensho kumbasu shoonse shobilo.

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Esekelo 24:12

Nakubi boobo mupika uyo teshi ukutuke, ndalabwa shiliimo tashikoonshi kumanininaamo kuswa, tashikoonshi kuswa nabibo kumulilo.

Esekelo 24:13

“Webo ondabala ya Jelusalemu bufuule bwako nshendalabwa. Ndakeelesha kukusansha ayi utube, sombi cakaala. Ono teshi ukatubeewo alimwi, sobwe, kushikila ukanyumfwe cilemeneshi ca bukali boonse.

Esekelo 24:6

Mwaami Lesa Shinkusu shoonse waamba ayi, “Mapensho kundabala itila bulowa, ndabala ili anga ngumupika ucite ndalabwa isho sheshi shikabule kuswa! Cipumputa comwi acomwi cilakushikwaamo kwakubula aubika maano kumupika uyo.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,

Esekelo 6:13

Lyalo balaakwishiba ayi ndi Mwaami Lesa, bene mishaabo baakukungubala pakati ka shibumbwabumbwa shabo, kushinguluka shipaililo shabo patulundu tulaamfu toonse, peculu lya tulundu tumwi toonse, munshaashisamu shoonse shicite shimfule shibotu alimwi amushisamu sha mibanga shoonse shicite matewu. Nkokwaamba ayi kumisena yoonse uko nkobakalinga kutentela tununkila kabotu kushibumbwabumbwa shabo shoonse.

Osiya 1:2

Mwaami Lesa ndyaakatalika kwaambila bene Isilaeli kwiinda muli ndime neOsiya, wakaŋambila ayi, “Osiya, koya ukeebe. Mukaako teshi akanooshomeka abalo bana bako balaakukoshabo nyinawabo. Mbweeke ubo bantu bangu mbobakanshiya akucileka kushomeka kuli ndime neMwaami Lesa.”

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 8:5

Cibumbwabumbwa ca mucende mwaana ico cilambila bene Samaliya ndicipatite. Aboobo ndikalalite abuumbi pali mbabo. Anu citooba ciindi cilaamfu buyani bantu aba kabacilambila shibumbwabumbwa?

Sefaniya 3:1

Mapensho kubene Jelusalemu abo balyatilila babyaabo, ee, kuJelusalemu ndabala yaashu itasalalite!

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

Ciyubululo 8:13

Mpomunyaawo ndakalangilisha akunyumfwa mumbankwashi wakalinga kuuluka mwiculu, kaaolobesha ayi, “Mapensho! Mapensho! Mapensho kubantu ba mucishi ca panshi ceebo ca sheesho sheshi shikacitike na baanjelo botatwe aba bacaala bakalishe mapeenga abo!”