Jelemiya 13:23 - Baibo Busansulushi Bwa Libuku Ili

²³ Sa muntu mushiya inga walisandula cikanda cakwe? Sa shiluwe inga wakonsha kulisandula mabala? Cilyeelenebo andimwe, tamukoonshi kucita shintu shibotu ceebo mulishibite kucita shintu shibiibi.

Jelemiya 13:23 Marejeleo ya Msalaba

2 Baami 17:40

Nakubi boobo bantu abo tabakwe kunyumfwa, bakatolelela amicito yabo ikulukulu.

Tushimpi 27:22

Muluya nabi mumutwe muncili, ee, kumutwa amwiinshi anga ngamaila, sombi buluya teshi bukasweewo muli nguwe.

Shikushimikila 1:15

Cintu cikonkomene tacikoonshi koololwa. Shintu shitapo tashikoonshi kubelengwa.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 2:22

Nabi usambe amushika na soopo uunji, kusombela kwa shibiibi shako kulaakunoobweneketebo.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 9:5

Womwi awomwi ngushikucenjeeka mubye, taaku awaamba shalushinisho. Bakeeisha milaka yabo kubeca, akumana nkusu shabo shoonse mukubisha.

1 Samwelo 19:21

Saulo wakalwiitwa cikani ico. Lyalo wakatumaako abamwi bantu bakwe, ono abalo bakatalika kulaluka. Saulo wakatuma abamwi lyatatu, sombi abalo bakatalika kulaluka.