Jelemiya 13:17 - Baibo Busansulushi Bwa Libuku Ili

¹⁷ Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 13:17 Marejeleo ya Msalaba

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Jelemiya 14:17

Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Jelemiya 15:17

Nebo nshindakalinga kulitiba mulikoto lya beshikusekelela nabi kunoolisangalasha pantu pomwi ambabo. Nebo ndakalinga kwikalabo neenka ceebo lyaansa lyanu lyakalinga pali ndime. Ncakwiila lyaansa lyanu lyakansusha bukali.

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Jelemiya 22:5

Sombi mutanookonkela milawo iyi nebo neMwaami Lesa ndalumbila ayi ŋanda ya bwaami iyi ilaakunyonyoolwa. Nebo neMwaami Lesa ndaamba.’

Jelemiya 23:1

Mwaami Lesa waamba ayi, “Mapensho kubeembeshi abo batoonyonyoola akupalanganya mbelele sha mumafulo angu!”

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Malilo 1:9

Matombe a njiyo alibo patuba, sombi yalo teekwe kuyeeyawo shakunembo. Kuwa kwa njiyo kwakakankamanisha, alimwi tekwakalinga nabi womwi wakuyumbulusha. Lyalo yakalila ayi, “NoBaami baLesa, amubone mapensho angu ceebo balwani bangu bankoma.”

Malilo 2:18

Myoyo ya bantu yakalilila Mwaami Lesa. Webo olubumbu lwa Siyoni, minsonshi yako aikunke anga nkalonga kakunka malumwi amashiku. Utookeshi, ee, utacileeki kulila akuungumana.

Malilo 3:48

Mumeenso angu mutookunkabo minsonshi, ceebo bene misheesu bamana kunyonyoolwa.

Esekelo 24:16

“Webo omuntu, ntooyanda kukunyaya muntu uyo ngoosunishi. Nakubi boobo, utatongooki, kulila buumpute nabibo kuloshawo minsonshi.

Esekelo 34:31

“ ‘Mwebo nombelele shangu, mbelele sha mumafulo angu, muli bantu bangu anebo ndi Lesa wanu. Nebo neMwaami Lesa Shinkusu shoonse ndaamba.’ ”

Esekelo 36:38

shakubenga milambu muJelusalemu pabushiku bwa Kusekelela. Aboobo mandabala ayo oonse akalinga aba matongo alaakusula bantu anga nimbelele isho. Lyalo ndyeshi bakeshibe ayi nebo ndi Mwaami Lesa.”

Esekelo 9:4

akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

1 Samwelo 15:11

“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.

1 Samwelo 15:35

Ono mubuumi bwakwe boonse Samwelo taakwe kubonaawo Saulo alimwi. Nakubi boobo wakoongumana ceebo cakwe Saulo. Alakwe Mwaami Lesa wakafwa nsoni kwaamba ayi wakalengesha Saulo kuba mwaami.