Jelemiya 12:5 - Baibo Busansulushi Bwa Libuku Ili

⁵ Lyalo Mwaami Lesa wakakumbula ayi, “Jelemiya na wakacica abantu beshimyeendo, bamana bakushiya, ino inga wacica buyani amaaki? Na wakalisuntula patubabo tu, ino inga wacikonsha buyani kweenda mumasaka a kuJoodani?

Jelemiya 12:5 Marejeleo ya Msalaba

1 Makani 12:15

Bashilumamba aba mbobakasubuka Mulonga wa Joodani mumweenshi utaanshi mumwaaka, mulonga uyo ndyeusula. Bakaya mukupalanganya bantu bakalinga kwikala mushinyika shoonse kwicwe akumbo.

Kulumbaisha 42:7

Buumba bwamfwekelesha anga ngamaaba a palweenge. Shimfulunganya ashalo shitoosa anga ngamaanshi atoompoomokela.

Tushimpi 24:10

Na watentuka muciindi ca mapensho ngayi toobeteewo muyumu mumapensho ayo.

Tushimpi 3:11

Omwanaangu, utanyanshi kululamika kwa Mwaami Lesa, nabi kuba amfundilishi mumoyo na kaakukalalila.

Jelemiya 11:21

Lyalo Mwaami Lesa wakaamba ayi, “Basankwa bamwi ba kuAnatoti batooyandoola buumi bwako akunokwaamba ayi, ‘Utanoolalukila muliina lya Mwaami Lesa, sombibo na koosuni kufwita mumaanseesu.’ ”

Jelemiya 26:8

Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!

Jelemiya 36:26

Mpomunyaawo mwaami wakaambila Jelamelo mwanaakwe, Selaya mwanaakwe Asilyelo aShelemiya mwanaakwe Abidelo kuya mukucata Baluki mulembi wangu anebo neJelemiya. Sombi Mwaami Lesa wakatushisa.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Joshuwa 3:15

Mulonga wa Joodani ulesula abuumbi ciindi cakutebula coonse. Nacibi boobo, bapailishi bakalinga kuyumwite Libokoshi lya Cipangano ndibakalyatabo maanshi,

1 Pita 4:12

Nomusunikwi, mutakankamani amulilo wa mapensho wamushikila mukumusunka. Mutayeeyi kwaamba ayi nceensu kupenshekwa boobo.