Jelemiya 12:15 - Baibo Busansulushi Bwa Libuku Ili

¹⁵ Sombi pesule lyakumana kubatupoola ndaakubanyumfwila nkumbu akuboosha mushobo womwi awomwi mucishi ca nguwo.

Jelemiya 12:15 Marejeleo ya Msalaba

Jelemiya 16:15

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 3:17

Ciindi ico balaakunookwiita ndabala ya Jelusalemu ayi, ‘Cuuna ca bwaami ca Mwaami Lesa.’ Uko mishobo yoonse nkweshi ikabungane kulemeka liina lya Mwaami Lesa. Lyalo teshi bakakonkele tubili bwaashu bwa myoyo yabo ya bushicimpamya.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 48:47

“Nakubi boobo ndaakulengesha bene Moabu kuswitilila alimwi munshiku shitoosa. Nebo neMwaami Lesa ndaamba.” Anu peenka apa mpopeela makani akoomboloshekwa kwa cishi ca Moabu.

Jelemiya 49:39

Nakubi boobo ndaakulengesha bene Alamu kuswitilila alimwi munshiku shitoosa. Nebo neMwaami Lesa ndaamba.”

Jelemiya 49:6

Nakubi boobo ndaakulengesha bene Amoni kuswitilila alimwi munshiku shitoosa. Nebo neMwaami Lesa ndaamba.”

Danyelo 11:4

Pesule lyakuba ankusu shiinji, bulelo bwakwe bulaakubaanikamo shipansha shone. Lyalo bamaami abo bateshi bamulunyungu lwakwe balaakunoolela mumusena wakwe. Sombi teshi bakabe ankusu sheelene ankusu shakwe. Ncakwiila bulelo bwakwe bulaakunyaikwa kuli nguwe akupekwa kubamwi.

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Shakubelenga 32:18

Teshi tukaboole kumaandeesu kushikila bene Isilaelinyineesu bamwi boonse bakabwese shishi nshebakapekwa.

Milimo ya Batumwi 15:16

‘Shaakwiinda ishi ndaakwisa alimwi, akuyaka ŋanda yakwe Defedi yakawa. Isho shakamwayuluka ndaakushiyaka alimwi.

Dutolonomi 3:20

Mukacafwe bene Isilaelinyinaanu kushikila abalo bakabwese cishi ico Mwaami Lesa, Lesa wanu ncaatobapa kumbo lya Joodani. Mukabacaafwe kushikila Mwaami Lesa akabaleeke ayi bekale muluumuno uko, mbuli mbwaacita kale kuli ndimwe kuno. Lyalo inga mwaboolela alimwi kucishi cino ico ncendakamupa.’

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.