Jelemiya 11:17 - Baibo Busansulushi Bwa Libuku Ili

¹⁷ “Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”

Jelemiya 11:17 Marejeleo ya Msalaba

2 Samwelo 7:10

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

2 Makani 28:25

Mpeeke mumandabala anene oonse amumishi yoonse mucishi ca Juda, wakayakaamo misena yakulambililaako ya patulundu ayi munootentelwa milambu kubalesa beensu. Munshila iyo, wakaliletela bukali bwa Mwaami Lesa, Lesa wa bamashali bakwe bakulukulu.

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Kulumbaisha 80:15

Kamwisa mupulushe bantu aba mbomwakaleta mucishi cino. Ndimwe mwakabalengesha ayi bashimpe akumena miyanda.

Kulumbaisha 80:8

Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Isaya 5:2

Wakaulima akukushaamo mabwe oonse. Lyalo wakashangaamo minyansa iindaawo kubota. Mumuunda uyo wakayakaamo katungu akukabaamo cilindi cakutyaninaamo minyansa. Wakalinga kushomete ayi mulaakuswa shisepo shibotu, sombi mwakaswa minyansa iyo yakalinga kusakamwita.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Jelemiya 1:14

Lyalo Mwaami Lesa wakakumbula ayi “Mapensho alaakuswa kumatwa akunyonyoola bantu boonse bekala mucishi cilya.

Jelemiya 11:11

Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 11:13

Mwebo nobene Juda mulicite balesa banu baanji bweenka bubete mandabalaanu. Shipaililo nshemwakayaka shakutentelawo tununkila kabotu kuli Baali, lesa uyo ulensha bunya, nshiinji bweenka mbuli mikwakwa ya muJelusalemu.’

Jelemiya 12:2

Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 18:8

sombi pesule mushobo uyo ngondakacenjesha wasanduka kuswa kushibiibi sha nguwo, teshi nkacite shintu shibiibi nshendakaamba kucita kuli nguwo.

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Jelemiya 26:13

Ono amusandule nshila shanu amicito yanu akunyumfwila Mwaami Lesa, Lesa wanu. Lyalo Mwaami Lesa ndyeshi abule kumuletela mapensho ayo ngwaakaamba ayi ulaakumuletela.

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Jelemiya 35:17

Paceebo ceeco nebo neMwaami Lesa Shinkusu shoonse, Lesa wa bene Isilaeli ndaakuletela nobene Juda anobene Jelusalemu mapensho ayo oonse ngondakashomesha kucita. Ndaakucita boobo ceebo tamukwe kunyumfwila ndindakalinga kumwaambila alimwi tamukwe kukumbula ciindi ndindakalinga kumwiita.’ ”

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 40:2

Ono mutanjilili wa beshikulindilila ndyaakancana wakaŋambila ayi, “Mwaami Lesa, Lesa wako wakaamba ayi mapensho aya acitike kumusena uno.

Jelemiya 40:3

Ono Mwaami Lesa wacita kweelana ambwaakaamba. Shintu shoonse ishi shacitika ceebo bene mishaanu bakabishisha Mwaami Lesa akutamunyumfwila.

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Jelemiya 44:5

Sombi tabakwe kunyumfwila nabi kubikako maano. Tabakwe kuswa kushibiibi shabo nabi kucileka kutentela balesa babo tununkila kabotu.

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Esekelo 17:5

Wakabwesa ambuuto shimwi sha mucishi canu akuya mukushanga kuli bulongo bucite mboleshi. Wakaya mukucishanga anga ncisamu ca masompe munshaamaanshi aanji.

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.