Jelemiya 11:15 - Baibo Busansulushi Bwa Libuku Ili

¹⁵ Mwaami Lesa waamba ayi, “Bantu mboonsuni batoocita shintu shibiibi. Balicite nkusunshi shakwinjila muŊanda yangu? Sa batooyeeya ayi inga baciba kupekwa mapensho kwiinda mukushomesha shintu akubenga milambu yakutenta? Sa ico cilaakubalengesha kusangalala?

Jelemiya 11:15 Marejeleo ya Msalaba

Kulumbaisha 50:16

Sombi kubamucita shibi Lesa ulaamba ayi, “Mulicite nkusunshi shakusungila milawo yangu mumutwi akuyaamba, nabi kunookwaamba shacipangano cangu?

Kulumbaisha 60:5

Amutulengeshe kukoma kwiinda munkusu shanu, amukumbule mipailo yesu. Ee, kwaamba ayi bantu abo mbomusuni, bafunwe.

Tushimpi 10:23

Muluya ulasangalalila mukucita shintu shibiibi, sombi ucite maano akunyumfwisha shintu ulasangalalila mubusongo.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 2:14

Bantu abo balasangalalila mukucita shilubo akukondwa mubuluya bwa bubi.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 26:18

Bweenka mushilu mbwaawaala shishiki sha mulilo nabi mifwi iyoosha

Tushimpi 28:9

Na muntu kaasuula milawo nabi mupailo wakwe ulalensha bunya kuli Lesa.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 23:11

Mwaami Lesa waamba ayi, “Balaluki alimwi abapailishi tabakonkeli nebo neLesa. Ncakwiila nabibo muŊanda yangu ndabacanikisha kabacita bubi.

Jelemiya 3:14

Mwaami Lesa waamba ayi, “Amupiluke, mwebo nobantu batashomeki ceebo nebo ndime ibaanu. Ndaakusala womwi womwi kuswa mumandabala oonse akusala bobilo bobilo kuswa mushipani shanu shoonse kwaamba ayi nkamubooshe kuKalundu ka Siyoni.

Jelemiya 3:8

Lyalo Isilaeli ndakamupa nkalata yakumuleka akumutandaanya ceebo ca bufuule bwakwe. Sombi Juda mukwabo utashomeki ulya taakwe kuloondawo, sobwe. Ncakwiila alakwe wakacita bweenka ubo.

Osiya 3:1

Mwaami Lesa wakandwiita ayi, “Koya ukatondeshe lusuno kumukaako alimwi, nabi utoocita bulale ausunikwi wakwe. Ulyeelete kumusuna bweenka nebo neMwaami Lesa mboonsuni bene Isilaeli nabi basandukila kubalesa bamwi akunootola shipo sha minyansa yakuyanika kushibumbwabumbwa.”

Mateyo 22:11

“Ono mwaami ndyaakenjila muŋanda mulya mukubona beensu, wakacanamo musankwa umwi watakalinga kufwete cakufwala ca pabwiinga.

Luka 8:28

Ndyaakamubonabo Jesu, wakoolobesha akufukama kunembo lyakwe alimwi akwaamba aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndakusenga ayi utampenshi.”

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

1 Bene Kolinto 13:6

Lusuno talulengeshiiwo muntu kusangalala mububi, sombi mushalushinisho.

Taitasi 1:15

Shintu shoonse shilisalalite kubantu basalalite, sombi kubaabo batasalalite akutashoma, shintu shoonse tashisalalite, mukwiinga miyeeyo amyoyo yabo njibiibi.

Jemusi 4:16

Ono mwebo mulalisumpula akulilumbaisha. Kulilumbaisha koonse kwa mushobo uyo nkubisha.