Jelemiya 11:11 - Baibo Busansulushi Bwa Libuku Ili

¹¹ Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 11:11 Marejeleo ya Msalaba

2 Baami 22:16

“Mwaami Lesa waamba ayi, ‘Ntoopa Jelusalemu mulandu pantu pomwi abantu boonse bekalaamo bweenka mbocilembetwe mulibuku ilyo mwaami ndyaabelenga.

2 Makani 34:24

“Mwaami Lesa waamba ayi, ‘Ntoopa Jelusalemu mulandu pantu pomwi abantu boonse bekalaamo bweenka mbocilembetwe mulibuku ilyo mwaami ndyaabelengelwa.

Jobo 35:13

Lesa taabiki maano kukusenga lucafwo kwabo kutaaku mbokubete. Ndushinisho Shinkusu shoonse taakutikiiwo mipailo yabo napaceyi.

Kulumbaisha 18:41

Bakalinga kuyandoola lucafwo, sombi taaku wakabapulusha. Bakapaila kuMwaami Lesa, sombi taakwe kubakumbula.

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

Tushimpi 1:28

“Mwaakunjita ciindi ico teshi nkamukumbulewo. Mulaakunyandoola, sombi teshi mukambonewo.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Isaya 24:17

Nobamucishi ca panshi noonse, kuli shiyoosha, shilindi atoose shitoomulindilila kunembo.

Jelemiya 11:14

“Ono Jelemiya utapaililiiko bantu aba. Utabasengeliiko nabi kubakombelelako ayi mbafwite nkumbu ceebo paciindi baakuba mumapensho teshi nkabanyumfwewo baakunjita.”

Jelemiya 11:17

“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Jelemiya 14:2

“Cishi ca Juda citoolila mandabala a mumo afwa. Bantu bekalaamo boona panshi kunsoni ayalo ndabala ya Jelusalemu itoolila lucafwo.

Jelemiya 15:2

Ono na bakwiipushe ayi, ‘Ino tuye kuli?’ ubalwiite ayi, ‘Mwaami Lesa waamba ayi, abo beelete kufwa lufu ŋanda, balaakufwa. Abo beelete kufwa kunkondo, balaakufwa munkondo. Abo beelete kufwa kunsala, balaakufwa kunsala. Abo beelete kutolwa mubusha, balaakuya mubusha.’

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 19:3

Ukaambe ayi, ‘Nobamaami ba bene Juda anobantu ba kuJelusalemu, amukutike maswi a Mwaami Lesa Shinkusu shoonse, Lesa wa bene Isilaeli. Amukutike! Ndaakuleta mapensho kumusena uno ayo eshi akalengeshe matwi a wooyo woonse weshi akaanyuumfwe kutilimuka.

Jelemiya 23:12

Paceebo ceeco nshila shabo shilaakuba abuteshi. Ndaakubatandila mumunshinshe umo mweshi bakawiite. Ndaakubaletela mapensho mumwaaka uyo ngweshi bakapetweemo mulandu. Nebo neMwaami Lesa ndaamba.”

Jelemiya 25:35

Beembeshi balaakubula kwakulobokela, bamatanjilili teshi bakabonewo kwakucicila.

Jelemiya 35:17

Paceebo ceeco nebo neMwaami Lesa Shinkusu shoonse, Lesa wa bene Isilaeli ndaakuletela nobene Juda anobene Jelusalemu mapensho ayo oonse ngondakashomesha kucita. Ndaakucita boobo ceebo tamukwe kunyumfwila ndindakalinga kumwaambila alimwi tamukwe kukumbula ciindi ndindakalinga kumwiita.’ ”

Jelemiya 36:31

Ndaakukupa mulandu webo, bana bako abacinenenene bako ceebo ca shibiibi nshemwakacita. Bene Jelusalemu abene Juda ndaakubaletela mapensho oonse ngondakaamba kubaletela ceebo tabakwe kunyumfwila.’ ”

Jelemiya 6:19

Nyumfwa ocishi ca panshi, ntooletela bantu aba mapensho. Ici nceshi cikatumbukwe mumiyeeyo yabo ibiibi ceebo bakakaka kunyumfwa maswi angu alimwi amilawo yangu.’

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Esekelo 14:3

“Webo omuntu, bantu aba batalika kulambila shibumbwabumbwa nabi balishi ayi shilaakuba mfumpu kunembo lyabo. Sa batooyeeya ayi inga ndabakumbula?

Esekelo 7:5

“Mwaami Lesa Shinkusu shoonse waamba ayi, ‘Mapensho, ee, mapensho atoosa ayo atana kunyumfwikaawo kale.

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.

Mika 3:4

Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.