Jelemiya 10:25 - Baibo Busansulushi Bwa Libuku Ili

²⁵ Amutile bukali bwanu pamishobo iyi itamulambili alimwi apabantu abo bakaka ndimwe. Ceebo bakanyonyoola bamulunyungu lwakwe Jakobo. Bantu abo bakabanyonweetabo limwi akunyonyoola cishi cabo.

Jelemiya 10:25 Marejeleo ya Msalaba

Jobo 18:21

Ono ayo ngomapensho apolela bamucita shibi. Ee, ngaapolela bantu batashomi muli Lesa.”

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Kulumbaisha 147:20

Taaku mushobo umwi ngwaakacitila boobo, ceebo bamumishobo imwi tabeshi milawo yakwe. Amulumbaishe Mwaami Lesa!

Kulumbaisha 27:2

Bantu babiibi ndibamfuumukila ayi banyonyoole, balwani bangu, ee, abo bampatite ndibesa ayi bandwaane, balalisuntula akuwa kwiinda mukukomwa.

Kulumbaisha 69:24

Amubatondeshe bukali bwanu. Bukali bwanu buyoosha abubanyonyoole.

Isaya 43:22

Ono Mwaami Lesa waamba ayi, “Nakubi boobo tamukwe kundililaawo mwebo nobamulunyungu lwakwe Jakobo. Ncakwiila nobene Isilaeli tamukwe kulisukamaawo sha pali ndime.

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 11:1

Mwaami Lesa wakandwiita ayi,

Jelemiya 30:16

“Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Milimo ya Batumwi 17:23

Mukwiinga ndindakalinga kweendeenda mundabala yanu inene umu, ndakabona misena njemupaililaamo pamwi pacipaililo kapalembetwe ayi, ‘Kuli Lesa Utashibikitwe.’ Anu uyo eenka ngomulambila kamutamwishi, ngowooyo ngoontoomulwiitaawo bulya.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

1 Bene Tesalonika 4:5

kuteshi mulunkumbwa lwa mubili anga mbantu bakunsengwe bateshi Lesa.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Ciyubululo 16:1

Mpomunyaawo ndakanyumfwa liswi lyakoolobeshekwa kubaanjelo bosanwe abobilo kuswa muŊanda yakwe Lesa ayi, “Kamuya mukapukwite bukali bwakwe Lesa ubo buli mumbale shifongomene shosanwe ashobilo mucishi ca panshi!”