Jelemiya 10:20 - Baibo Busansulushi Bwa Libuku Ili

²⁰ Matente esu anyonyoolwa antaambo sha ngawo shoonse shasutoolwa. Bana besu boonse batupalangana teshi tukababonewo tubili. Taaku awacaala weenga watupopelako matente alimwi nabi weenga watuyakilako shimpaka.”

Jelemiya 10:20 Marejeleo ya Msalaba

Jobo 7:8

Abo batoombona cino ciindi teshi bakambonewo tubili. Balaakunyandoola, sombi teshi nkacanikeewo.

Tushimpi 12:7

Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 51:18

Ono kwabula nabi womwi pabana banu wakumutanjilila. Ncakwiila pabaana boonse mbomwakalela tekwakalinga nabi womwi wakamucatililaako palyaansa.

Isaya 54:2

Komenesha tente njookalaamo, laampya ntambo sha njiyo akushimpya mpoopo shiicata.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Jelemiya 31:15

Mwaami Lesa waamba ayi “Liswi lyanyumfwika muLama, kooloma kwa mibila. Lakelo utoolila bana bakwe wakaka akuumushikwa mukwiinga bafwa.”

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Malilo 1:5

Balwani ba njiyo baba bamaami ba njiyo. Balwani ba njiyo ono mbobashiite cakuliiba. Mwaami Lesa weeletela buumba bunene ceebo ca shibiibi shakwe shiinji. Bana ba njiyo bamana kuya mubusha, ee, batolwa busha kubalwani babo.

Mika 2:9

Mulatandaanya banakashi ba bantu bangu, ee, kubatandaanya kuswa mumaandaabo abotu. Mulaakukusha coolwe cangu pabana babo ayi bacibuule kwalyoonse alyoonse.