Isaya 64:11 - Baibo Busansulushi Bwa Libuku Ili

¹¹ Ŋanda yanu isalalite alimwi yabulemu umo bamashali besu mobakalinga kumulumbaishila, yapya kumulilo. Misena yoonse njetwakalinga kusuni yanyonyoolwa.

Isaya 64:11 Marejeleo ya Msalaba

1 Baami 8:14

Bantu ndibakalinga kwiimfwi, mwaami Solomoni wakasanduluka walanga nkobakalinga kubete. Mpeeke wakabasengela shoolwe kuswa kuli Lesa.

1 Baami 8:56

“Aalumbaishikwe Mwaami Lesa uyo wakalengesha luumuno pabantu bakwe kweelana ambwaakashomesha. Wacita kweelana akushomesha kwakwe koonse uko nkwaakashiya kwiinda muli Mose musebenshi wakwe.

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

2 Makani 6:4

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

2 Makani 7:3

Bene Isilaeli ndibakabona mulilo koosa panshi abulemu bwa Mwaami Lesa peculu lya Ŋanda yakwe Lesa, bakafukama cakushisha shiwa panshi akulambila alimwi akulumbaisha Mwaami Lesa mukwaamba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

2 Makani 7:6

Bapailishi boonse bakeemikana mumisena yabo njibakapekwa kabalangene abene Lefi. Bene Lefi bakalinga kulumbaisha Mwaami Lesa ashakulisha isho mwaami Defedi nshaakabamba, kabeemba lwiimbo lwakwaamba ayi, “Lusuno lwakwe ndyamuyayaya!” Bakacita boobo kweelana abwakabalwiita Defedi. Bapailishi abalo bakalinga kulisha mapeenga bene Isilaeli boonse kabeemfwi.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Esekelo 24:21

‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Esekelo 24:25

Mpeeke Mwaami Lesa wakaamba ayi, “Ono webo omuntu, ndaakubanyaya Ŋanda yangu, ee, ciyubilo ncebalisumpwitaawo ico cibapa bulemu, ncebasangalalilaamo alimwi cisangalasha meenso abo. Ndaakutola busha bana babo basankwa abanakashi.

Sekaliya 1:12

Mpeeke munjelo wa Mwaami Lesa wakaamba ayi, “NoBaami baLesa Beshinkusu shoonse, mwakakalalila bene Jelusalemu aba mumandabala a muJuda mumyaaka ili 70. Ino mulaakubafwita lili nkumbu?”

Mateyo 24:2

Sombi Jesu wakabakumbula ayi, “Te mwashibona shoonse ishi? Ntoomulwiita calushinisho ayi taaku libwe nabi lyomwi lyeshi likacaale palibwenyina, oonse alaakumwayululwa.”

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.