Isaya 60:6 - Baibo Busansulushi Bwa Libuku Ili

⁶ Matanga angamela alaakususha cishi canu, ngamela shiniininiini sha kuMidyani akuEfa. Boonse ba kuSheba balaakwisa, balaakunoosa agolodi alimwi atununkila kabotu pakutenta. Nebo neMwaami Lesa, bantu abo balaakunumba amaswi apeculu.

Isaya 60:6 Marejeleo ya Msalaba

Matalikilo 10:7

Bamulunyungu lwakwe Kushi bakalinga Seba, Afila, Sabita, Laama aSabiteka. Bamulunyungu lwakwe Laama bakalinga Seba alimwi aDedani.

Matalikilo 25:13

wakashala baana basankwa bakonkelene kweelana ambobakashalwa. Nkokwaamba ayi Nebayoti, Keda, Adibilu, Mibisamu,

1 Baami 10:2

Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

2 Baami 8:9

Lyalo Asayelo wakalongela shintu shibotu shipusenepusene sha muDamasikasi pangamela shakalinga makumi one akuya kuli Elisha. Mpeeke Asayelo ndyaakashika akwiimikana kunembo lyakwe Elisha, wakaamba ayi, “Musebenshi wanu mwaami Benadadi wantuma kwisa mukumwiipusha na ulaakuba kabotu kubulwashi mbwaacite.”

1 Makani 1:33

Midyani wakashala baana basankwa bosanwe, nkokwaamba ayi Efa, Efe, Anoki, Abida alimwi aElida.

2 Makani 9:1

Mwaami mwanakashi wa kuShiba wakanyumfwa mpuwo yakwe Solomoni mukulambila liina lya Mwaami Lesa, wakanyamuka kuswa kuJelusalemu kwisa mukumwiipusha miipusho iyumu kukumbula. Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

Kulumbaisha 67:4

Mishobo yoonse aikondwe akwiimba ceebo cakusangalala mukwiinga muloombolosha bantu cakutanyengelela, akutanjilila mishobo yoonse ya pacishi ca panshi.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Kulumbaisha 72:15

Kaabukila buumi lyoonse! Golodi ya kuSheba aikapekwe nguwe. Aakapaililwe cakutacilekaawo. Aakasengelwe shoolwe lyoonsebo!

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Esekelo 27:22

“ ‘Beshimakwebo ba kuSheba aLaama bakalinga kuleta tununkila kabotu mubuyani twiindaawo kubota, mabwe amakwebo alimwi agolodi mukushintana amakwebo ako.

Sefaniya 3:10

Ncakwiila nabi kwitala lya milonga ya kuKushi, bantu banambila, ee, bantu bangu bakapalanganina mucishi, balaakwisa mukubenga milambu kuli ndime.

Sekaliya 14:16

Lyalo boonse beshi bakacaaleewo pamishobo iyo yeshi ikalwane Jelusalemu balaakunooya kooko mwaaka amwaaka mukulambila Mwaami, Mwaami Lesa Shinkusu shoonse. Balaakunooya mukucanika kuKusekelela kwa Shimpaka.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Bene Loma 15:9

Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi, “Paceebo ceeco ndaakumulumbaisha pakati ka baswamashi bakunsengwe alimwi ndaakwiimba nyimbo shakulumbaisha liina lyanu.”

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Boomboloshi 6:5

Bakalinga kuletelela shifubwa shabo amatente. Bakalinga baanji mbuli cisoshi cakwaamba ayi cakalinga ciyumu kubelenga bantu abo nabi kubelenga angamela shabo. Bakanyonyoola cishi ndibakesa.

Boomboloshi 7:12

Bene Midyani, bene Amaleki amishobo imwi yoonse yakwicwe bakalinga kubungene mucinyika kabali baanji anga ninsoshi. Bakalinga kucite ngamela shiinji mbuli museese wa muloombe lwa lweenge.