Isaya 59:7 - Baibo Busansulushi Bwa Libuku Ili

⁷ Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Isaya 59:7 Marejeleo ya Msalaba

Tushimpi 1:16

ceebo balo tabacelwi kucita shintu shibiibi. Ncakwiila mbantu bafwambaana kutila bulowa.

Tushimpi 15:26

Mwaami Lesa ulipatite miyeeyo ya bamucita shibi, sombi miyeeyo ya bantu basalalite ilamusangalasha.

Tushimpi 24:9

Miyeeyo ipanga muluya nkucita shibiibi, alimwi bantu balipatite muntu shikucelebula.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Tushimpi 6:18

tulango tupanga miyeeyo ya bubi, myeendo iyo icicila kuya mukucita shibiibi,

Isaya 15:5

Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 59:3

Maansaanu alibo pyu kubulowa bwa bantu mbomwakacaya. Ee, mulicite milandu ipusenepusene. Milomo yanu ilaamba makani abubeshi alimwi ilaamba shintu shibiibi.

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 65:2

Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Isaya 66:4

Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 41:7

Ono ndibakenjila mundabala, Ishimaeli abasankwa abo mbwaakalingaabo bakacaya bantu abo akubawaala mumukalo.

Malilo 4:13

Sombi cakacitika mukwiinga wa shibiibi sha balaluki babo amicito ibiibi ya bapailishi abo bakatila bulowa bwa bantu baluleme.

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Esekelo 22:6

“ ‘Mutanjilili womwi awomwi wa bene Isilaeli uli muli ndiwe ulasebensesha nkusu shakwe kutila bulowa.

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.