Isaya 59:19 - Baibo Busansulushi Bwa Libuku Ili

¹⁹ Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 59:19 Marejeleo ya Msalaba

Kulumbaisha 113:3

Liina lya Mwaami Lesa alilumbaishikwe kuswa kwicwe kushikila akumbo.

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Kulumbaisha 61:5

NobaLesa mwakanyumfwa nshendakashomesha cakulumbila, alimwi mwakampa buboni bwa baabo bamulemeka.

Isaya 30:27

Amubone bulemu bwa Mwaami Lesa bulabonekelabo kulaale. Mwaami Lesa ulatondesha bukali bwakwe mumulilo, alimwi amulikumbi lya bwiishi. Milomo yakwe itootutumabo kubukali aalo maswi akwe alibo anga ngumulilo unyonyoola.

Isaya 30:28

Kuyoya kwakwe kuli anga ngumulonga wasefuka utolelela shintu shoonse. Ulaseba mishobo ya bantu musefa walunyonyooko. Mumicendwa yabo ulabikaamo tweela twakubeensheshaako kubapambusha munshila ibotu.

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Isaya 49:12

Bantu bangu balaakuswa kumisena ili kulaale. Bamwi balaakuswa kumatwa, bamwi kumbo, bamwi balaakuswa kuAswani kumalenge.”

Isaya 66:12

Mwaami Lesa wakaamba ayi, “Ndaakumulengesha kuba ashintu shiinji anga ngumulonga wa maanshi uteeli. Buboni bwa mishobo imwi bulaakunoomushikila anga ngamaanshi a mumulonga wasefuka. Mulaakuba anga ngukateta uyamwa uyo ufukatwa abanyina alimwi utondeshekwa lusuno.

Isaya 8:7

nebo neLesa ntooleta mwaami wa bene Asilya abashilumamba bakwe ayi balwane cishi ca Juda. Bantu abo balaakunoosa anga ngamaanshi asefuka muMulonga wa Yufuletisi.

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Mika 7:17

Balaakunoomyanguta bulongo anga ninsoka, ee, anga shilongolo shikalaba panshi. Balaakunoosa kabatutuma mushiyubilo shabo. Balaakusandukila kuli ndime neMwaami Lesa, Lesa wanu ceebo ca boowa alimwi balaakunooloonda ndimwe.”

Sekaliya 4:6

Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 12:10

Kuswawaawo ndakanyumfwa liswi lyakoolobeshekwa kuswa kwiculu ayi, “Ono Lesa watupulusha! Wabonesha nkusu shakwe ayi nguMwaami. Usalitwe wakwe wabonesha nkusu shakwe. Mukwiinga uyo wakalinga kubekesha bashominyineesu malumwi amashiku kuli Lesa wesu wawaalwa panshi.