Isaya 59:18 - Baibo Busansulushi Bwa Libuku Ili

¹⁸ Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 59:18 Marejeleo ya Msalaba

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Isaya 63:6

Ndakabalyatoola paciindi ndindakalinga kukalalite. Ceebo cakufundililwa kwangu ndakabalengesha kukolwa akutila bulowa bwabo panshi.”

Bene Loma 2:6

Ceebo Lesa ulaakulambula muntu woonse kweelana amilimo yakwe.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Isaya 63:3

“Ndakalyatoola mishobo imwi anga njiminyansa kwakubula awakancafwaako. Ndakabalyatoola paciindi ncendakalinga kukalalite. Ncakwiila ndakabalyatoola paciindi ndindakalinga kufundilite. Malowa abo akasamfookila kushakufwala shangu, alimwi ndakasombesha shakufwala shangu shoonse.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Jobo 34:11

Lesa ulalambula muntu kweelana amilimo yakwe alimwi ulacitila muntu ico cimweelete.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Ciyubululo 16:19

Ndabala inene yakapasukamo shipansha shotatwe, mpeeke mandabala anene a mushishi shoonse akanyonyooka. Lesa wakeebaluka ndabala inene ya Babiloni akulengesha ayi inwe waini wa munkomeshi ya bukali bwakwe.

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Esekelo 38:18

Mwaami Lesa Shinkusu shoonse waamba ayi, “Makani aya ngeshi akacitike mubushiku ubu. Na Gogi akalwaane cishi ca Isilaeli, bukali bwangu buyoosha bulaakubuka.

Esekelo 6:12

Abo bali kulaamfu balaakufwa kumwaalu. Abo bali pafwaafwi balaakufwa kunkondo. Abalo abo beshi bakapuluke akucaalaawo, balaakufwa kunsala. Anu ubo mbweshi nkabalengeshe kunyumfwa cilemeneshi coonse ca bukali bwangu.

Esekelo 5:13

“ ‘Cilemeneshi ca bukali bwangu buyoosha boonse mulaakucinyumfwa ndaakumana kuboosha cishole. Pakumana kubatondesha bukali bwangu buyoosha, ndyeshi bakeshibe kwaamba ayi nebo neMwaami Lesa ndaamba kuli ndimwe ceebo ndikalalite abuumbi pakutashomeka kwanu.

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Bene Lefi 26:28

ndaakumwaalukila akwiindilishaawo alimwi pamapensho anu mankanda osanwe aobilo.

Dutolonomi 7:10

Sombi boonse balwani bakwe ulaakubapa mulandu kwiinda mukubanyonyoola. Teshi akabalekebo napaceyi.

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Isaya 40:10

Amubone Mwaami Lesa Shinkusu shoonse utoosa ankusu alimwi lyaansa lyakwe ndyelilela. Ulicite ashilambu mulyaansa lyakwe ayi ese alambule bantu bakwe.

Isaya 49:4

Mpomunyaawo ndakaamba ayi, “Anu ndakalinga kulipenshabo kusebensa. Ee, ndakalinga kumanabo nkusu kwakubula mpindu. Sombi shintu shoonse sheelete ndime shili mumaansa a Mwaami Lesa. Ncakwiila cilambu cangu cilaswabo kuli Lesa wangu.

Isaya 65:6

“Amubone mulandu wabo ulilembetwe kale, ncakwiila teshi nkoomunebo, sombi ndaakuboosha cishole cikwene, ee, cishole pabubi ubo mbobakacita.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Isaya 66:6

Amunyumfwe ciyobeyobe ico cili mundabala inene, amunyumfwe coongo citooswa muŊanda yangu. Ico ncoongo cangu nebo neMwaami Lesa ntooboosha shishole kubalwani bangu boonse kweelana ambobeelete.

Esekelo 23:49

Banakashi abo ndaakubapa mulandu ceebo ca bufuule bwabo alimwi akulambila shibumbwabumbwa kwabo. Lyalo ndyeshi mukeshibe ayi nebo ndi Mwaami Lesa.”

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Isaya 66:14

Ici mwaakucibona, myoyo yanu ilaakusangalala. Lyalo mulaakunoonemfumabo anga ngumweemfu mukuswitilila. Nkusu shangu nebo neMwaami Lesa, shilaakuboneka kubasebenshi bangu. Sombi balwani bangu ndaakubatondesha bukali bwangu.”

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Jelemiya 50:15

Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.