Isaya 59:14 - Baibo Busansulushi Bwa Libuku Ili

¹⁴ Ee, anu nceceeco koombolosha kululeme ncekwatutalamukila. Nceceeco kweenda cakubula kampenda ncekwabeta kulaale aswebo. Lushinisho talunyumfwikiiwo mumikwakwa, akwalo kushomeka kuleelabo kulaale.

Isaya 59:14 Marejeleo ya Msalaba

Abakuku 1:4

Milawo yamana nkusu. Koombolosha cakutanyengelela kwamana. Bamucita shibi batoolita masuku pamitwi ya baluleme. Munshila iyo koombolosha cakutanyengelela kwasendama.

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Isaya 5:23

Sombi ceebo ca makulo bantu abo balalekelela bantu bacite milandu. Taboomboloshi cabululami batacite milandu.

Isaya 1:21

Amubone bamundabala inene abo bakalinga kushomeka ono batalika bufuule bwakulambila balesa bamwi. Muciindi cimwi ndabala iyi yakalinga kuswitebo bantu bakalinga kucita shiluleme, ee, bantu batacite tumpenda. Ono mwacaalabo bacayi.

Shikushimikila 3:16

Lyalo ndakabona cintu cimwi pacishi ca panshi. Pamusena wakoombolosheshaawo, bubi bwakalingaawo. Pamusena wakoombolosha cakutanyengelela, bubi bwakalingaawo.

Amosi 5:7

Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Isaya 46:12

“Ono amukutike nshentokwaamba mwebo nobantu beshicimpamya. Amukutike mwebo nomuyeeya ayi teshi mukapulushikwe onoono.

Isaya 59:9

Bantu bakaamba ayi, “Anu nceceeco koombolosha kululame ncekwatutalamukila! Anu nceceeco kweenda cakubula kampenda ncekutabetele pafwaafwi aswebo! Tulacita ayi tulangoolewo mumuni, sombi tulacanabo munshinshe. Tuleelesha kulangila ayi mpashi kulatuba, sombi ndikwiindaawo akushiya.

Isaya 59:11

Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Jelemiya 7:28

Aboobo baambile ayi, ‘Uyu ngomushobo utanyumfwili Mwaami Lesa, Lesa wa nguwo alimwi ukaka kululikwa. Kushomeka kwaloba. Takunyumfwikiiwo nabibo paniini.’

Danyelo 8:12

Bantu bakatalika kubisha muŊanda iyo mumusena wakubenga milambu yabushiku abushiku yeelete. Lushinisho mukulambila lwakasowekwa. Liica ilyo lyakalinga kuswitilila mushintu shoonse nshelwakalinga kucita.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Baami 21:11

Bamaloba bacinenenene bene Jesiliilu bakacita bweenka bwakabalwiita Jesebelo mumakalata.

Kulumbaisha 119:150

Bantu abo batoopinga kuncita shintu shibiibi bali pafwaafwi andime, sombi bali kulaale amilawo yanu.

Osiya 7:1

Na ndayanda kulengesha bantu kuswitilila alimwi, na ndayanda kushilika bene Isilaeli, shibiibi sha bene Efuleemu abo shilaletwa patuba. Ee, shibiibi sha bene Samaliya abo shilayubuluka. Bantu abo balabeca, balenjila mumaanda akwiipa, balapamba shintu mumashila.