Isaya 59:11 - Baibo Busansulushi Bwa Libuku Ili

¹¹ Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Isaya 59:11 Marejeleo ya Msalaba

Kulumbaisha 119:150

Bantu abo batoopinga kuncita shintu shibiibi bali pafwaafwi andime, sombi bali kulaale amilawo yanu.

Kulumbaisha 119:155

Bamucita shibi tabakoonshi kupuluka ceebo tabakonkeli milasho yanu.

Kulumbaisha 38:8

Ndalefuka alimwi ndalemenwa abuumbi. Ndatongela kubuumba buli mumoyo wangu.

Kulumbaisha 55:2

Amunkutike akunkumbula. Kulisukama kwantyoloola abuumbi.

Kulumbaisha 85:9

Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.

Isaya 38:14

Liswi lyangu lwakaceya ceebo cakushinka, alimwi ndakalinga kulila anga nimpolobe. Aalo meenso angu ashimba kukulanga kwiculu. Amumfuune noBaami baLesa, ndi mumapensho.”

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 59:14

Ee, anu nceceeco koombolosha kululeme ncekwatutalamukila. Nceceeco kweenda cakubula kampenda ncekwabeta kulaale aswebo. Lushinisho talunyumfwikiiwo mumikwakwa, akwalo kushomeka kuleelabo kulaale.

Isaya 59:8

Nshila shaluumuno tabashishiiwo napaceyi, abwalo bululami mubuumi bwabo ndwiica lwa mbwa. Ncakwiila nshila shabo nshabumwanamanumpa alimwi woonse wiindaamo teshi akacanewo luumuno.

Isaya 59:9

Bantu bakaamba ayi, “Anu nceceeco koombolosha kululame ncekwatutalamukila! Anu nceceeco kweenda cakubula kampenda ncekutabetele pafwaafwi aswebo! Tulacita ayi tulangoolewo mumuni, sombi tulacanabo munshinshe. Tuleelesha kulangila ayi mpashi kulatuba, sombi ndikwiindaawo akushiya.

Jelemiya 8:15

Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa shiloondesha.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Malilo 3:17

Wakankasha kuba aluumuno, ndakaluba akusangalala mbokubete.

Esekelo 7:16

Boonse abo beshi bakapuluke akuloboka balaakuya kutulundu uko nkweshi bakanoolila buumba anga nimpolobe bamushinyika. Muntu womwi awomwi ulaakunoolila ceebo ca shibiibi shakwe.

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Naamu 2:7

Mwaami mwanakashi watolwa busha. Bamyooye bakwe batoolila anga nimpolobe, akulyuuma pashaamba shabo ceebo cabuumba.

Naamu 2:8

Bweenka bupoomoka maanshi kuswa mucishiba capasuka mbweeke ubo bantu mbobatooswa mundabala ya Ninife. Batokoolobesha ayi, “Amwiimikane! Amwiimikane!” Sombi taaku nabi womwi utokwiimikana.