Isaya 58:1 - Baibo Busansulushi Bwa Libuku Ili

¹ Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Isaya 58:1 Marejeleo ya Msalaba

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 40:6

Liswi lyaamba ayi, “Olobesha.” Anebo ndakakumbula ayi, “Ngolobeshenshi?” Olobesha ayi, “Bantu boonse bali anga mbwiisu, abwalo bulemu bwabo bulibo anga mbwa maluba a muluundu.

Isaya 43:27

Amubone mushali wanu mutaanshi wakabisha, bamatanjilili banu bakangashukila.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 57:12

Mwebo mulayeeya ayi ncemutoocita cililuleme, sombi micito yanu ndaakwiiyubulula alimwi shibumbwabumbwa teshi shikamucafweewo.

Isaya 59:12

“NoBaami baLesa, ncakwiila milandu yesu njiinji pameenso anu. Shibiibi shesu shitootushinina shiine. Shilubo shesu ncakwiila tashitushiili musena, alimwi kusotoka milawo kwesu koonse twakusumina.

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 36:9

Ono mumweenshi wasanu ayone mumwaaka wasanu wa bwaami bwakwe Jeoiyakimu mwanaakwe Josiya mwaami wa bene Juda, bantu bakalikasha kulya kunembo lya Mwaami Lesa. Kulikasha kulya uku kwakacitwa abantu boonse bekala muJelusalemu alimwi aboonse abo bakaswa mumandabala a mucishi ca Juda.

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

Malilo 2:14

Shili anga nshiloto shakalinga kubona balaluki banu shakalinga shabubeshi shitacite ncito. Ee, bulaluki bwabo tebwakalinga kuyubulula shibiibi shako ayi ukabule kucatwa busha. Ncakwiila bakakulengesha kuyeeya ayi kusanduka kuswa kushibiibi shako taciyandiki.

Esekelo 11:4

Paceebo ceeco, webo omuntu, balalukile mapensho bantu aba.”

Esekelo 16:2

“Webo omuntu, shibisha ndabala ya Jelusalemu micito ya njiyo ilensha bunya

Esekelo 20:4

“Webo omuntu, sa te ulilibambite kubapa mulandu? Na ulilibambite, beebalushe shintu shilensha bunya isho shakalinga kucita bamashali babo bakulukulu.

Esekelo 22:2

“Webo omuntu, sa te ulilibambite kupa mulandu bamundabala iyo iswitebo bacayi? Na ulilibambite, beebalushe shintu shilensha bunya isho nshebakalinga kucita.

Esekelo 23:36

Mpeeke Mwaami Lesa wakandwiita ayi, “Webo omuntu, sa te ulilibambite kupa mulandu Oola alimwi aOoliba? Na ulilibambite, ubashinine shintu shilensha bunya isho nshebakacita.

Esekelo 33:3

Shikulindilila uyo na wabona balwani kabesa, ulalisha lupeenga kucenjesha bantu.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Jona 1:2

“Nyamuka uye kundabala inene iindaawo ya Ninife, akushimikila cakucenjesha bantu ba mumo, ceebo bubi bwabo ndabubona ayi bwafula.”

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Ciyubululo 4:1

Kuswawaawo, ndakabona mulyango ucalukite kwiculu. Mpomunyaawo ndakanyumfwa liswi anga ndupeenga, lyeenka ndindakanyumfwa kataanshi. Lyakandwiita ayi, “Kosa kokuno kwiculu, nkuboneshe sheshi shikacitike kuswa sheeshi.”