Isaya 57:15 - Baibo Busansulushi Bwa Libuku Ili

¹⁵ Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 57:15 Marejeleo ya Msalaba

Matalikilo 21:33

Lyalo Abulaamu wakashanga mubanga muBiyasheba akulambila Mwaami Lesa wamuyayaya.

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

2 Makani 34:27

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ono ndanyuumfwa kusenga kwako.

Jobo 22:29

Lesa ulabombya balisumpula alimwi akupulusha balibombya.

Jobo 6:10

Lyalo moyo wangu inga wekala ceebo nshina kukakaawo maswi akwe Lesa Usalalite mukuciswa kwangu koonse nakukomeni.

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 123:1

NoBaami baLesa, ndalangilisha kuli ndimwe, kuli ndimwe nomucite cuuna ca bwaami kwiculu.

Kulumbaisha 138:6

NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.

Kulumbaisha 138:7

Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 34:18

Ncakwiila Mwaami Lesa ulibo muliimfwa kubaabo batyongola alimwi ulafuna baabo batacite cakulangila.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Kulumbaisha 51:19

Lyalo milambu yeelete ilaakumusangalasha. Ee, milambu yesu yakutenta ilaakumusangalasha alimwi bacende balaakubengwa pacipaililo canu.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Kulumbaisha 93:2

NoBaami baLesa cuuna canu ca bwaami cakabambwabo kalekale. Mwebo nkomuli kuswabo lili alili.

Kulumbaisha 97:9

NobaLesa ba kwiculu Beendaawo, mwebo ndimwe mulela cishi coonse ca panshi. Ndimwe musumpulwa kwiinda baLesa boonse.

Kulumbaisha 99:3

Bantu boonse balaakulumbaisha liina lyakwe lyankusu alimwi liyoosha. Lakwe ulisalalite!

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 15:13

Nomushomeka pacipangano canu, mwakatanjilila bantu mbomwakafuna. Kwiinda munkusu shanu mwakabatanjilila kuya kucishi canu cisalalite.

Kulonga 15:18

Mwebo noBaami baLesa, mulaakunoolibo baami lyoonse alyoonse.”

Kulonga 40:34

Mpeeke likumbi lyakafwekelesha Tente ya Cipangano akwiisusha bulemu bwa Mwaami Lesa.

Kulonga 40:35

Paceebo ceeci Mose wakaalilwa kwinjila muTente ya Cipangano mukwiinga likumbi lyakaselukila peenka apo paTente akwiisusha abulemu bwa Mwaami Lesa.

Tushimpi 16:19

Ncintu cibotu kulibombya akuba mukandu kwiinda kuba womwi wa beshikulisumpula akunoobaanaabo shintu shakusaala.

Tushimpi 8:23

Ndakalingaako kumatalikilo kwiine, cishi ca panshi kacitana kulengwa.

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Isaya 33:5

Mwaami Lesa ulalemekwa abuumbi, mukwiinga ngoolela mishobo yoonse. Ncakwiila ulaakususha bululami akoombolosha cakutanyengelela mundabala ya Jelusalemu.

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Isaya 63:15

NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Malilo 3:41

Atulilile Mwaami Lesa uli kwiculu amyoyo yesu yoonse ayi,

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Esekelo 9:4

akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Danyelo 2:11

Nobaami mwatwiipusha makani ayumu abuumbi. Taaku muntu nabi womwi weenga wakonsha kumulwiita ciloto canu, sombibo balesa. Balesa abo tabakali pakati ka bantu, sobwe.”

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Luka 1:49

mukwiinga wa shintu shinene nshaancitila Lesa Shinkusu shoonse. Liina lyakwe lilisalalite.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Milimo ya Batumwi 3:14

Jesu wakalinga muntu usalalite alimwi ululeme. Sombi mwebo mwakamukaka akusenga Pilato ayi amwaangulwite mucayi.

Bene Loma 1:20

Kuswabo lyeelyo Lesa ndyaakalenga cishi, bantu balakonsha kwishiba cakutatonsha kwaamba ayi nkusu shakwe tasheeli alimwi ayi ndushinisho nguLesa. Bantu balakonsha kwishiba shintu ishi kwiinda musheesho nshaakalenga. Aboobo taaku mpweenga bayubila mulandu.

2 Bene Kolinto 1:4

Ulatucafwa mumapensho esu oonse kwaamba ayi tukonshe kucafwa bamwi bacite mapensho amushobo uli woonse, kwiinda mulucafwo ulo ndotwakatambula kuswa kuli Lesa.

2 Bene Kolinto 2:7

Ono bulya mulyeelete kumulekelela akumuyumyayumya kwaamba ayi atoongumani bunene.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.