Isaya 55:6 - Baibo Busansulushi Bwa Libuku Ili

⁶ Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Isaya 55:6 Marejeleo ya Msalaba

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

2 Makani 19:3

Nakubi boobo nkoshili shimwi shibotu nshemwacita. Mwakanyonyoola shikoshanyo shakwe Ashela lesa mwanakashi isho bantu nshebakalinga kulambila alimwi mwakeelesha kukonkela kuyanda kwakwe Lesa.”

Esila 10:2

Lyalo Shekaniya mwanaakwe Jeiyelo, womwi wa mucipani cakwe Elamu wakaamba kuli Esila ayi, “Twakabishisha Lesa wesu mukweeba banakashi baswamashi abo mbotushitaabo. Nakubi boobo lupulusho nkolucili kubene Isilaeli.

Jobo 8:5

Ono na webo usandukile kuli Lesa, akumukombelela Shinkusu shoonse ayi akunyumfwile nkumbu,

Kulumbaisha 14:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Kulumbaisha 145:18

Mwaami Lesa uli pafwaafwi kubaabo bamwiita, ndushinisho uli pafwaafwi kubaabo bamwiita calushinisho.

Kulumbaisha 148:14

Wakasumpula bantu bakwe mukubapa nkusu ayi bantu bakwe boonse basalalite, ee, bene Isilaeli abo mbwaasuni bamulumbaishe. Amulumbaishe Mwaami Lesa!

Kulumbaisha 27:8

Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Kulumbaisha 75:1

NobaLesa, tulamulumba abuumbi. Tulamulumba mukwiinga muli pafwaafwi aswebo. Bantu boonse balashimika shamicito yanu ikankamika.

Kulumbaisha 95:7

mukwiinga lakwe nguLesa wesu. Swebo tuli bantu bakwe mbwaaembela anga nimbelele shili mumaansaakwe. Amunyumfwe liswi lyakwe Lesa sunu.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 58:9

Lyalo mwaakupaila, nebo neMwaami Lesa ndaakumukumbula. Mwaakusenga lucafwo nebo ndaakumucafwa. “Ndushinisho mwaakumanisha shakulyatililana, shakutondekana minwe amyaambo ya mfundilishi,

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Jelemiya 25:5

Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Esekelo 14:6

“Paceebo ceeco ambila mushobo wa bene Isilaeli ayi Mwaami Lesa waamba ayi, ‘Amusanduke kuswa kushibiibi! Amusanduke kuswa kushibumbwabumbwa shanu akufutatila micito yanu yoonse ilensha bunya.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 8:6

Mpeeke Lesa wakaŋambila ayi, “Webo omuntu, washibona nshebatoocita kuno bene Isilaeli isho shilensha bunya? Shintu isho shitoontalamusha kuswa kumusena wangu usalalite akuyabo kulaale? Sombi ulaakubona ashimwi shilensha bunya shiinda sheeshi.”

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Osiya 10:12

Nebo ndakaamba ayi, ‘Amulishangile bululami, mukatebule shisepo sha lusuno lutamaani. Amulime myuunda yanu itana kushindwa ceebo cino nciindi cakusandukila kuli ndime neMwaami Lesa. Amunyandoole kushikila nkatiile bululami pali ndimwe.’

Amosi 5:6

Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Jona 3:8

Sombi muntu uli woonse alifweke masaka alimwi akufweka shifubwa shoonse. Woonse muntu ulyeelete kufwambaana kupaila kuli Lesa akuleka bubi bwakwe, alimwi amibo itabete kabotu.

Mateyo 5:25

“Ulyeelete kufwambaana kunyumfwana ashimilandunyoko kamuciya kunkuta. Mukwiinga inga waakukutola mumaansa amoomboloshi, alakwe moomboloshi wakutola mumaansa amushilikaani, lakwe inga waakukubika muntolongo.

Luka 13:25

Mpomunyaawo mwine ŋanda ulaakunyamuka akucalaako kumulyango. Lyalo mulaakwiimikana akutalika kukonkoonsha akwaamba ayi, ‘Amutucalwiteeko nkambo!’ Sombi lakwe ulaakumukumbula ayi, ‘Nshishi ankomwaswita!’

Joni 8:21

Lyalo Jesu wakaboshaawo kwaamba ayi, “Nebo ntooya, mulaakunangoola, sombi mulaakufwabo mushibiibi shanu. Uko nkoontooya, mwebo inga tamushikiiko.”

Bene Efeso 3:13

Aboobo, ndamusenga kwaamba ayi mutatyongooki pakubona mboontoomupengela. Mapensho aya atoocitika kwaamba ayi mucane cibotu.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Dutolonomi 4:7

“Taaku mushobo aumwi nabi ngunene buyani, ucite lesa uli pafwaafwi bobulya paciindi coonse nceenga kamumusuni mbuli Mwaami Lesa, Lesa wesu. Ulatucafwa munshila shili shoonse kulilabo twamusenga.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.