Isaya 52:2 - Baibo Busansulushi Bwa Libuku Ili

² Amulipaampe lusuko nobene Jelusalemu, munyamuke akuya mukwikala pacuuna ca bwaami! Amwaangulule ncetani nshemwaangitwe nobene Siyoni nomuli mubusha!

Isaya 52:2 Marejeleo ya Msalaba

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Jelemiya 51:50

Mwaami Lesa wakatuma nkombe kubantu bakwe muBabiloni yakwaamba ayi, “Mwebo nomwapuluka munkondo, amunyamuke, mutashingooki! Nabi muli mucishi cakulaale kamuyeeya ndime neMwaami Lesa alimwi kamuyeeya andabala ya Jelusalemu.

Jelemiya 51:45

Amuswe muli nguwe nobantu bangu! Amupulushe buumi bwanu! Amucice kuswa kubukali bwangu buyoosha nebo neMwaami Lesa.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Isaya 51:14

Ncakwiila abo bali muntolongo balaakwaangululwa coonoonobo. Balaakwikala buumi bulaamfu alimwi teshi bakabulewo shakulya shiyandika.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!

Sekaliya 2:6

Ono Mwaami Lesa waamba ayi, “Kamwisa! Kamwisa! Amuciceeko kucishi cakumatwa mukwiinga ndakamupalanganishisha kumbasu shone sha cishi.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Isaya 29:4

Lyalo ulaakunokwaambila panshi, liswi lyako lilaakunooswa mubulongo. Ulaakunoobulubushabo anga ncipuku, ncakwiila liswi lilaakunoonyumfwika anga utootepetabo mubulongo.

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Isaya 49:21

Lyalo mulaakulyaamboosha mumyoyo yanu ayi, ‘Ngani wakanshalila baana boonse aba? Ndakalinga ndaba anga ndafwitwa baana boonse alimwi anga nshishali. Ndakalinga ndatandaanishikwa muno mumisheesu akukakwa. Ino ono wakaleta baana boonse aba ngani? Ncakwiila ndakalinga ndacaalabo neenka, ino aba boonse baswa kuli?’ ”

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Isaya 10:27

Pabushiku ubo ndaakumwaangulula kuswa munkusu sha bene Asilya akutyoloola lijoko lya bweendeleshi bwabo lili pashifushi shanu.”

Isaya 14:25

Bene Asilya ndaakubanyonyoola mucishi cangu. Ndaakubalyatoola peculu lya tulundu twangu. Lijoko lya bweendeleshi bwa cishi ca Asilya ndaakulikushaawo pabantu bangu. Ndaakubatula mukuli uyo kuswa pashifushi shabo.

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Esekelo 34:27

Shisamu sha mumyuunda yabo shilaakucata shisepo abwalo bulongo bulaakukusha shishango. Bantu balaakwikala kwakubula cakulisukama mucishi cabo. Ndaakutyola lijoko lyabo akubakusha mumaansa abaabo bakalinga babatola busha. Lyalo ndyeshi bakeshibe ayi nebo ndi Mwaami Lesa.

Sekaliya 2:7

Kamwisa nobene Siyoni. Amulobokeeko kuswa kucishi ca Babiloni!