Isaya 49:23 - Baibo Busansulushi Bwa Libuku Ili

²³ Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 49:23 Marejeleo ya Msalaba

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 43:26

Josefu ndyaakashika bakatola shipo muŋada kuli nguwe akufukama cakushisha ciwa panshi kunembo lyakwe.

Kulumbaisha 138:4

NoBaami baLesa, boonse bamaami ba pacishi ca panshi balaakumulumbaisha. Ncakwiila balaakumulumbaisha baakunyumfwa maswi anu.

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 34:22

Ncakwiila Mwaami Lesa ulapulusha basebenshi bakwe. Taaku nabi womwi uyuba muli nguwe weshi akapekwe mulandu.

Kulumbaisha 68:31

KuIjipiti kulaakuswa beshikwiimikanina beendeleshi, bamucishi cakwe Kushi balaakulibombya kuli Lesa.

Kulumbaisha 69:6

Mutansuminishi kulensha nsoni abo bacinkite manungo muli ndimwe, noBaami baLesa, baLesa Beshinkusu shoonse. NobaLesa ba bene Isilaeli, mutansuminishi ayi ndete musebaanyo pabaabo bamulambila.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 14:2

Mishobo imwi ya bantu ilaakucafwa bene Isilaeli kuboola kucishi ico cakabapa Mwaami Lesa. Mucishi ico bantu bamumishobo imwi iyo balaakuba basha kubene Isilaeli. Lyalo abo bakalinga bacata bene Isilaeli busha, balaakuba mbabo basha kubene Isilaeli. Ncakwiila bene Isilaeli balaakulela baabo bakalinga kubalyatilila.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Isaya 29:22

Paceebo ceeco makani ngaaya Mwaami Lesa, uyo wakapulusha Abulaamu, ngwaatokwaambila bamulunyungu lwakwe Jakobo. Utokwaamba ayi, “Bamulunyungu lwakwe Jakobo teshi bakanyumfwewo nsoni tubili. Teshi bakanokweendaawo ashiwa shilokete.

Isaya 41:20

Bantu balaakucibona cikani ici, balaakwishiba ayi ndime neMwaami Lesa ndacicita. Balaakushika pakushinisha kwaamba ayi Lesa usalalite wa bene Isilaeli ngowacilengesha kucitika.”

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 50:7

Ceebo cakwaamba Mwaami Lesa Shinkusu shoonse ngooncafwa, teshi nkalenshekweewo nsoni. Paceebo ceeco ndayuumya moyo kwaamba ayi ntatentuki. Ndishi cakushinisha kwaamba ayi teshi nkalenshekweewo nsoni.

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Isaya 52:6

Muciindi citoosa bantu bangu balaakwishiba ayi ndime Lesa. Ncakwiila pabushiku ubo balaakwishiba kwaamba ayi ndime ndakaambila limwi ayi ici cilaakucitika. Ee, ndime ndakacaamba, taaku aumwi.”

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 60:3

Mishobo iinji ilaakukwelwa kwisa kumumuni wako, bamaami balaakwisa kucitubilishi ca kuca kwa bushiku bwako bupya.

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Isaya 64:4

Ncakwiila kuswabo kale kale taaku wakanyumfwaawo nabi kubonaawo Lesa uli mbuli ndimwe, Lesa uyo ucitila baabo balangila muli nguwe.

Esekelo 37:6

Kuswawaawo ndaakumubika mishisa, nyama alimwi akumufwekelesha cikanda. Ndaakumufulita muuya muli ndimwe amwebo mulaakuba abuumi. Lyalo ndyeshi mukeshibe ayi nebo ndi Mwaami Lesa.’ ”

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Mika 7:17

Balaakunoomyanguta bulongo anga ninsoka, ee, anga shilongolo shikalaba panshi. Balaakunoosa kabatutuma mushiyubilo shabo. Balaakusandukila kuli ndime neMwaami Lesa, Lesa wanu ceebo ca boowa alimwi balaakunooloonda ndimwe.”

Shakubelenga 11:12

Teshi ndime ndakabamita nabi kubashala. Ceebonshi mwandwiita ayi noobalela akubanyamuna mumaansaangu anga mbakateta kushikila mucishi ico ncemwakalasha bamashali babo bakulukulu?

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.

Bene Loma 10:11

Malembo akwe Lesa alaamba ayi, “Uyo woonse ushoma, teshi akalenshekwe nsoni.”

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Bene Loma 9:33

Bweenka bwaamba Malembo akwe Lesa ayi, “Amunyumfwishishe, ndabiika libwe muSiyoni ndibalisuntulaako bantu. Ncakwiila ndabiika mwaandami ngweshi bakanoolisuntulaako. Sombi uyo woonse ushoma muli nguwe teshi akanyumfwe nsoni.”

1 Pita 2:6

Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.