Isaya 49:15 - Baibo Busansulushi Bwa Libuku Ili

¹⁵ Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Isaya 49:15 Marejeleo ya Msalaba

Jobo 24:20

Abalo banyina balamulubaako. Mapila aalo alamulya cakutamushiyaako. Ulanyonyoolwabo bweenka bunyonyoolwa cisamu cawa.

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 27:10

Ee, bata abama inga bakonsha kunsuula, sombi Mwaami Lesa ulaakundama kabotu.

Kulumbaisha 77:9

Sa Lesa waluba kutufwita nkumbu? Sa wacileka kutunyumfwila nkumbu ceebo ca bukali?”

Tushimpi 31:2

Bakamwaambila ayi, “Omwanaangu, mwaana wakushala nemwiine, ee, omwanaangu uyo ngondakapekwa kwiinda mukupaila.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 44:21

Mwaami Lesa waamba ayi, “Nobamulunyungu lwakwe Jakobo amwiibaluke shintu ishi, nobene Isilaeli, mwebo muli basebenshi bangu. Ndakamulenga kwaamba ayi mube basebenshi bangu. Ncakwiila nebo teshi nkamulubeewo.

Isaya 49:14

Sombi bantu ba muSiyoni bakaamba ayi, “Mwaami Lesa wakatufutatila, ee, Mwaami Lesa watulubaako.”

Isaya 54:10

Nakubi kwaamba ayi tulundu tukatenkaane nabi tukapalanganishikwe, sombi lusuno lwanu pali ndimwe teshi lukatenkaaneewo, nabi cipangano cangu ca luumuno kupalanganishikwa.” Mwaami Lesa uyo umunyumfwila nkumbu waamba.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 51:5

Nebo neMwaami Lesa Shinkusu shoonse nshikwe kusuulaawo bene Isilaeli abene Juda nakubi kwaamba ayi cishi cabo ciliswitebo milandu kunembo lyangu neUsalalite wa bene Isilaeli.

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Malilo 4:3

Nabi bamwaaba balayamwisha bana babo, sombi bantu bangu baba amyoyo ibiibi anga nintibatiba muluyanga.

Osiya 11:1

Mwaami Lesa waamba ayi, “Isilaeli ndyaakalinga mwaana ndakalinga kumusuni abuumbi alimwi ndakeeta mwanaangu uyo ayi aswe muIjipiti.

Bene Lefi 26:29

Mulaakunyumfwa nsala inene abuumbi cakwaamba ayi mulaakunoolya bana banu.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Mateyo 7:11

Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

Bene Loma 1:31

Mbantu bataliseendi, tabashomeki, tabacite nkumbu alimwi aluse.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.