Isaya 49:14 - Baibo Busansulushi Bwa Libuku Ili

¹⁴ Sombi bantu ba muSiyoni bakaamba ayi, “Mwaami Lesa wakatufutatila, ee, Mwaami Lesa watulubaako.”

Isaya 49:14 Marejeleo ya Msalaba

Isaya 40:27

Ono ceebonshi nobamulunyungu lwakwe Jakobo mulaamba ayi, “Mwaami Lesa taabwene mapensho esu?” Ceebonshi mulatongooka ayi, “Lesa taabikiiko amaano kuli ndiswe nabi katulyatililwa?”

Malilo 5:20

NoBaLesa ino ceebonshi mulatuluba lyoonse? Ino mwatulekelela buyani kwaciindi cilaamfu?

Jelemiya 23:39

ncakwiila ndaakubanyamuna akubawaala kulaale andime. Nkokwaamba ayi balo andabala iyo njendakapa bamashali babo bakulukulu.

Kulumbaisha 31:22

Ndakaloonda akwaamba ayi, “Ono wantandilabo limwi kuya kulaale anguwe.” Sombi wakanyumfwa kulila kwangu, ndindakasenga lucafwo kuli nguwe.

Kulumbaisha 22:1

“NobaLesa bangu, nobaLesa bangu, ino nciinshi ncemwandekeleshesha?” Nceebonshi ncemutoobula kuncafwila? Ceebonshi tamutoonyumfwa kutongela kwangu?

Kulumbaisha 13:1

NoBaami baLesa, anu ndilili ndyeshi mukanjibaluke? Anu mulaakucileka lili kunjuba?

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Isaya 54:6

Mwebo nobene Isilaeli, Mwaami Lesa ulaakumwiita alimwi. Mwebo muli anga ngumwanakashi wakalinga washiikwa alimwi mubuumba bunene, ee, mwanakashi wakeebwa kaacilibo mwanike sombi wakakwa akushiikwa.” Lesa wanu waamba.

Esekelo 33:10

Mpeeke Mwaami Lesa wakaŋambila ayi, “Webo omuntu, ibalusha bene Isilaeli isho nshebaamba. Balaamba ayi, ‘Swebo twalemenwa shilubo alimwi ashibiibi shesu. Paceebo ceeco twamana kunyanga ceebo ca nshisho. Ino inga twaba buyani abuumi?’

Jelemiya 31:3

Mwaami Lesa wakabonekela kuli ndiswe kale kale akwaamba ayi, “Ndakamusuna alusuno lutamaani paceebo ceeco ncitolelela kumunyumfwila nkumbu.