Isaya 49:10 - Baibo Busansulushi Bwa Libuku Ili

¹⁰ Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Isaya 49:10 Marejeleo ya Msalaba

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Isaya 35:6

Balema ndyeshi bakatambale anga ninsefu. Abalo bacibuulu ndyeshi bakeembe nyimbo shakulumbaisha. Maanshi alaakukunka muliwesa. Ee, tulonga tulaakukunka muluyanga.

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Isaya 4:6

Malumwi bulemu bwakwe ubo bulaakuba cimfule cakuyubamo lumwi alimwi mulaakuba momwakuyunsa mfula acipuupu cinene.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Isaya 43:19

Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 48:21

Mwaami Lesa ndyaakatanjilila bantu bakwe kwiinda muluyanga, tabakwe kupengawo kunyotwa. Wakalengesha maanshi kukunka kuswa mumwaandami. Ncakwiila wakapasula mwaandami akulengesha maanshi kukunka.

Isaya 51:14

Ncakwiila abo bali muntolongo balaakwaangululwa coonoonobo. Balaakwikala buumi bulaamfu alimwi teshi bakabulewo shakulya shiyandika.

Isaya 52:12

Sombi teshi mukasweemo cakwiingana nabi cakunoonyumfwite boowa ceebo Mwaami Lesa ngweshi akanooli kunembo lyanu. Mwaami Lesa eenka ngweshi akanoomutabilila kwisule.

Isaya 54:10

Nakubi kwaamba ayi tulundu tukatenkaane nabi tukapalanganishikwe, sombi lusuno lwanu pali ndimwe teshi lukatenkaaneewo, nabi cipangano cangu ca luumuno kupalanganishikwa.” Mwaami Lesa uyo umunyumfwila nkumbu waamba.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Mateyo 5:6

“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.