Isaya 47:15 - Baibo Busansulushi Bwa Libuku Ili

¹⁵ Ono njempindubo yeenka iyo njeshi ukacane kuswa kubantu abo. Basongo ba shintu shili mwiculu abo wasebensaabo kuswa kubwanike bwako. Boonse balaakukupalangana akuya munshila shabo beene. Taaku nabi womwi weshi akacaale kwaamba ayi akupulusheeko.”

Isaya 47:15 Marejeleo ya Msalaba

Isaya 43:13

Ncakwiila ndi Lesa kuswabo kale kale. Taaku muntu nabi womwi ukonsha kupusumuka mumaansa angu alimwi ncendacita taaku muntu ukonsha kucisandula.”

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Isaya 47:13

Maano ngoopandwaako akucaya mutwi! Anu basongo ba shintu shili mwiculu abese tubone, ee, beshikusonda mukusebensesha lushibo lwa panyenyeenshi, abo baamba sheshi shikacitike kunembo mweenshi amweenshi, abakupulushe kusheesho shitoosa pali ndiwe.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.