Isaya 47:13 - Baibo Busansulushi Bwa Libuku Ili

¹³ Maano ngoopandwaako akucaya mutwi! Anu basongo ba shintu shili mwiculu abese tubone, ee, beshikusonda mukusebensesha lushibo lwa panyenyeenshi, abo baamba sheshi shikacitike kunembo mweenshi amweenshi, abakupulushe kusheesho shitoosa pali ndiwe.

Isaya 47:13 Marejeleo ya Msalaba

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Isaya 47:15

Ono njempindubo yeenka iyo njeshi ukacane kuswa kubantu abo. Basongo ba shintu shili mwiculu abo wasebensaabo kuswa kubwanike bwako. Boonse balaakukupalangana akuya munshila shabo beene. Taaku nabi womwi weshi akacaale kwaamba ayi akupulusheeko.”

Isaya 47:9

Sombi buumba bwa mishobo yobilo bulaakumucata paciindi comwi alimwi mubushiku bomwi. Ee, buumba bwakufwitwa baana abwakuba mukalubinje. Shintu ishi shilaakukushikila cankusu nakubi kwaamba ayi ulicite shisoko abwaanga nshoosebensesha.

Isaya 57:10

Isho nshemucita shilamulemya, sombi taaku ndyemusuminaawo ayi taaku mboshibete. Mulayeeya ayi balesa banu balamupa nkusu, aboobo tamulefukiiwo.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Jelemiya 51:58

Lubumbu luyumu lwa ndabala ya Babiloni lulaakuwishikwa. Ayalo minjililo ya njiyo ilaamfu ilaakutentwa. Bantu batoolipenshabo kwakubula mpindu. Milimo yabo yoonse ilaakubabo mafuta akunyashisha mulilo. Nebo neMwaami Lesa Shinkusu shoonse ndaamba.”

Jelemiya 51:64

Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.

Esekelo 24:12

Nakubi boobo mupika uyo teshi ukutuke, ndalabwa shiliimo tashikoonshi kumanininaamo kuswa, tashikoonshi kuswa nabibo kumulilo.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.

Abakuku 2:13

Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.