Isaya 46:7 - Baibo Busansulushi Bwa Libuku Ili

⁷ Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Isaya 46:7 Marejeleo ya Msalaba

1 Baami 18:26

Lyalo bakabwesa mucende uyo wakaletwa kuli mbabo, bakamubamba. Mpeeke bakatalika kupaila kuli Baali kushikila lisuba ndilyakashika pakati ka mutwi. Bakalinga koolobesha ayi, “NobaBaali mutukumbule!” Bakalinga kushana kabashinguluka cipaililo ncebakayaka. Sombi taakuuwo cakacitika. Baali taakwe kubakumbulaawo.

1 Baami 18:29

Bakalinga koolobesha kushikila macolesha ciindi cakubenga mulambu, sombi taaku cintu cakacitika, kwakalingabo tontolo.

1 Baami 18:40

Mpomunyaawo Elija wakabaambila ayi, “Amubacaate balaluki bakwe Baali boonse. Mutasuminishi ayi umwi aye!” Bantu bakabacata boonse. Mpeeke Elija wakabatola kuMulonga wa Kishoni akubacaya boonse uko.

Isaya 37:38

Bumwi bushiku ndyaakalinga kulambila kuli Nisiloku lesa wakwe, Adilameleki alimwi aSalesa, bana bakwe basankwa, bakamucaya amipeeni yabo. Lyalo bakacicila kucishi ca Alalati. Mpeeke Esaadoni, mwanaakwe musankwa umwi ngowakapyana bwaami bwakwe.

Isaya 40:20

Mukandu utakoonshi kuula silifa nabi golodi, ulasala cisamu ceshi cikabule kubola. Ulalangoola muntu ucibwene shakubesabesa kwaamba ayi amupangile cibumbwabumbwa ceshi cikabule kuwa.

Isaya 41:28

Sombi ndyeenanga pakati ka balesa abo, taaku nabi womwi weenga waambawo pacikani ico. Nabi ndeepusha taaku nabi womwi ukonsha kunkumbula.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 41:7

Ucibwene shakupangapanga ulaambila shikufula shintu sha golodi ayi, ‘Wacita kabotu!’ Shikuuma cibumbwabumbwa ansando ayi ceelane akuteshima, ulayumyayumya shikucipopa ayi acinunganye. Na nkutentelela balaamba ayi, ‘Kwabota abuumbi.’ Lyalo cibumbwabumbwa ico balacipopa amisomaali kwaamba ayi ciimikane cakutawa.

Isaya 44:12

Amubone shikufula sheela ulabwesa ceela comwi akucibika pamulilo. Lyalo mwiine ankusu shakwe ulatola nsando mwiculu akutalika kucuuma kwaamba ayi cibumbwabumbwa ico cibe mbwaasuni. Mukuya cisebensa ulanyumfwa nsala, nyotwa alimwi ulalema.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 46:1

Ono aya ngomeelelesho a balesa ba bene Babiloni! Ncakwiila Belo aNebo mbalesa balinga kulambilwa, sombi sunu banyamwitwa pambongolo. Baba mukuli pamisana ya shifubwa shilemete.

Isaya 47:15

Ono njempindubo yeenka iyo njeshi ukacane kuswa kubantu abo. Basongo ba shintu shili mwiculu abo wasebensaabo kuswa kubwanike bwako. Boonse balaakukupalangana akuya munshila shabo beene. Taaku nabi womwi weshi akacaale kwaamba ayi akupulusheeko.”

Jelemiya 10:5

Shibumbwabumbwa isho shilibo anga ncakukongeshaako mumuunda wa banamunwa. Tashaambi alimwi shilanyamunwabo ceebo tasheendi. Mutashiloondi, sobwe. Teshi shikamupenshewo nabi kumucitilawo shintu shibotu.”

Jelemiya 11:12

Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Danyelo 3:1

Bumwi bushiku Nebukadinesa wakabumbisha cibumbwabumbwa ca golodi cakalinga kucite mamita ali 27 kuya mwiculu alimwi amamita ali 3 mubufwaafwi mubunene. Cibumbwabumbwa ico cakabikwa muliwesa lya Dula mucishi ca Babiloni.

Jona 1:5

Beshikweensha bwaato bakaloonda abuumbi akutalika kusenga lucafwo womwi awomwi kuswa kuli lesa wakwe. Ono kwaamba ayi boobye bwaato ubo, bakawaala shintu mulweenge. Sombi Jona wakalinga mucipinda cimwi ca panshi, kaali mutulo.

1 Bene Kolinto 12:2

Mulishi kwaamba ayi ciindi ndimwakalinga bakunsengwe, mwakalinga kutolwa munshila shipusenepusene kuya cilambila shibumbwabumbwa shitaambi.

1 Samwelo 5:3

Macuunsacuunsa ndibwakaca bene Ashidodi bakacana cibumbwabumbwa cakwe Dagoni cawa cakuya mukuumawo cameenso panshi kunembo lya Libokoshi lya Cipangano ca Mwaami Lesa. Mpeeke bakacibusha akuciboosha mumusena wa ncico.