Isaya 46:10 - Baibo Busansulushi Bwa Libuku Ili

¹⁰ Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Isaya 46:10 Marejeleo ya Msalaba

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Kulumbaisha 33:11

Sombi miyeeyo ya Mwaami Lesa nja lyoonse alyoonse, Nshaabambite mumoyo wakwe shilacitwa mumashalane oonse.

Isaya 43:13

Ncakwiila ndi Lesa kuswabo kale kale. Taaku muntu nabi womwi ukonsha kupusumuka mumaansa angu alimwi ncendacita taaku muntu ukonsha kucisandula.”

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Kulumbaisha 135:6

Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Milimo ya Batumwi 5:39

Sombi na milimo iyi ilaswa kuli Lesa, teshi mukacikoonshe kubakoma mukwiinga inga mwacana kwaamba ayi mutoolwishanya aLesa!” Lyalo boomboloshi boonse bakakonkela maswi akaamba Gamalyelo.

Isaya 44:7

Ino ono ngani uli mbuli ndime? Aalyaambe tunyumfwe. Aanyamuke aambilishe kunembo lyangu shacitika kuswa kuciindi ca bantu bangu bakulukulu asheesho sheshi shikacitike kunembo litoosa. Ee, aambe ceeco ceshi cikacitike kunembo.

Isaya 46:11

Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.

Bene Ebulu 6:17

Lesa wakayanda kubonesha baabo beshi bakatambule sheesho nshaakashomesha ayi ulaakucita kweelana akubamba kwakwe. Nceceeco ncaakalumbilila akukonkomesha mukushomesha kwakwe.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Milimo ya Batumwi 15:18

Ubo mbwaatokwaamba Mwaami Lesa uyo wakeshibisha bantu kale kale.’ ”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Milimo ya Batumwi 3:23

Uyo woonse eshi akabule kunyumfwila nsheshi akaambe mulaluki uyo, ulaakupansaanishikwa kuswa kubantu bakwe Lesa akunyonyoolwa.’

Isaya 14:24

Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 40:8

Bwiisu bulayuma aalo maluba alaloka sombi maswi akwe Lesa wesu alaakunooliikobo kwalyoonse alyoonse.”

Isaya 41:4

Ino ono ngani wakacita shintu shoonse ishi? Ngani wakayeeya kucita boobo kuswa kumatalikilo? Ndimeeke neMwaami Lesa. Kumatalikilo ndakalingaako akwalo kumeelelesho ndaakubaako.”

Isaya 48:3

Mwaami Lesa waambila bene Isilaeli ayi, “Ndakaambilila limwi kale kale sheshi shikacitike. Lyalo ndakashilengesha kucitika cakutashiingashila.

Isaya 48:14

“Amuyoboloke noonse mwise mukutike! Taaku cibumbwabumbwa cakalalukaawo ayi musankwa ngondakasala inga wesa mukulwana cishi ca Babiloni. Ee, taaku wakalalukaawo ayi musankwa uyo inga wacita nceensuni ayi acite.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Isaya 55:11

Mbweeke ubo amaswi aswa mumulomo wangu mbwaabete ubo. Teshi akaboole kuli ndime kaatana kucita mulimo wa ngawo. Sombi alaakumanisha mulimo uyo ngoonsuni ayi acite akuswitilila mumuyeeyo ngondakaatumina.

Jelemiya 44:28

Sombi baniini pakati kanu balaakuloboka nkondo akuboolela kucishi ca Juda kuswa kuIjipiti. Lyalo baJuda abo beshi bakacaaleewo pabaabo bakesa mukwikala muIjipiti ndyeshi bakeshibe ayi ngamaswi akwe ni alushinisho. Sa ngaangu na ngabo?

Osiya 5:9

Efuleemu ulaakunyonyoolwa cakubabo luyanga pabushiku bwa bukali bwakwe Lesa. Nomikowa ine Isilaeli aya ngamakani a lushinisho ngoontokwaambilisha kuli ndimwe.”

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 41:21

Mwaami Lesa, Mwaami wa bene Isilaeli waamba ayi, “Tetetete, kamwisa mulyaambilile nobalesa ba bakunsengwe, amwise mupe bukamboni bunyumfwika.

Esekelo 39:8

“Nebo neMwaami Lesa Shinkusu shoonse ndaamba ayi, ‘Bushiku ubo bulaakushikila! Shintu isho shilaakucitika. Ubu mbushiku bulya mbooŋambaawo.